Орчин үеийн урлаг, технологийн огтлолцол дээр бүтсэн олон улсын хэмжээний наадам
Монголын орчин үеийн урлагийг дэмжих холбооноос энэ жил урьд урьдынхаас өргөн хүрээтэй, олон улсын түвшний XAOS Festival 2025-ыг “ХУВИРАЛ” сэдвийн дор зохион байгуулах гэж байна.
Фестиваль 2025 оны 10-р сарын 10-наас 30-ныг хүртэл үргэлжлэх бөгөөд Улаанбаатар хотын таван байршилд болох найман төрлийн арга хэмжээг багтаасан өргөн хөтөлбөртэй юм.
Наадмын зорилго нь технологи, гэрэлтүүлэг, дуу авиа, дүрслэх урлагийн уялдаа холбоог судалж, үзэгчдэд шинэ мэдрэмж, уран сайхны туршлагыг нэгэн дороос мэдрүүлэхэд оршиж байна. “Хувирал” сэдэв нь эмх замбараагүй байдлаас шинэ эрэмбэ, шинэ гоо зүй төрөн гардаг хаосын онолыг урлагийн хэлээр илэрхийлэх зорилготой.
Экспериментал тоглолтууд
10-р сарын 11 — LIHLA, DIS FIG & HÜMA UTKU
Цахилгаан, экспериментал дуу авиа, визуал хослолын хүчтэй эхлэл
10-р сарын 25 — 2K88 & RAINY MILLER
Клуб, электроакустик, дотоод мэдрэмжийг илэрхийлсэн уран тоглолт
Байршил: On’n Off Production
Эдгээр тоглолтууд нь эмзэг, зөөлөн мэдрэмжээс эхлээд хүчтэй хэмнэл рүү шилжих, дотоод хувирал ба сэтгэлийн хөдөлгөөнийг гүнзгий илэрхийлэх уран сайхны туршлага байх болно.
Үзэсгэлэн ба орон зайн бүтээлүүд
10-р сарын 10–20 — “СОНО”
Зохиолч Л.Өлзийтөгсийн “Сонотой гэрлэсэн минь” өгүүллэгээс сэдэвлэсэн дуу авиа, гэрлийн өрөг бүтээл.
Байршил: Black Box Theatre
10-р сарын 10–30 — “АГШИН ЗУУР”
Э.Жанцанхоролын орон зайн баримал, Carsten Nicolai / Alva Noto болон монгол хөөмэйчид (Н.Ашид, Х.Дамдин, А.Ундармаа, Д.Даваасүрэн) нарын хамтарсан аудиовизуал туршлага.
Байршил: Хаан Галерей
10-р сарын 10–30 — “БОДЛЫН ШУГУЙ”
Э.Халиун, Suzana Benesova, X Ariaz нарын орон зайн баримал, дуу авиан бүтээл.
Байршил: XO Art Space
10-р сарын 19–30 — “НҮД СОХЛОМ ХУРЦ ГЭРЭЛ БА СҮҮДЭР ДЭХ ТАВ ТУХ”
Hüma Utku & Marco Ciceri нарын гэрлийн болон видео өрөг бүтээл.
Байршил: B Contemporary
Олон улсын уран бүтээлчид
XAOS Festival 2025 нь олон орны уран бүтээлчдийн хамтын ажиллагааг нэгтгэжээ. Үүнд:
- LIHLA (Австрали)
- Dis Fig (АНУ)
- Hüma Utku (Турк)
- 2K88 (Польш)
- Rainy Miller (Англи)
- Marco Ciceri (Итали)
- Suzana Benesova (Словак)
- X Ariaz (Афганистан)
- Монголын уран бүтээлчид Э.Жанцанхорол, Э.Халиун, Н.Ашид, А.Ундармаа, Х.Дамдин, Д.Даваасүрэн нар
Эдгээр оролцогчид технологи, соёл, философийн огтлолцолд суурилсан бүтээлээрээ Монголын орчин үеийн урлагийг олон улсын тавцанд гаргах зорилготой байна.
Тасалбар ба мэдээлэл
Фестивалийн тасалбарыг Shoppy.mn сайтаар худалдаалж байгаа бөгөөд сонирхогчид дараах сувгаар холбогдож болно:
- Facebook: XAOS Festival
- Instagram: XAOS Festival
- Веб: MCASA Mongolia
- Имэйл: [email protected]
XAOS Festival 2025 — энэ бол хувирал, дуу, дүрслэл, мэдрэмжийн нэгдэл бүхий орчин үеийн урлагийн хамгийн шинэлэг туршлага юм.
