Муур нь бие даасан амьтан мэт санагддаг ч маш олон тохиолдолд эзнийхээ дэргэд унтахыг сонгодог. Энэ нь зөвхөн хайр, итгэлийн илрэл биш бөгөөд өөр олон шалтгаантай.
AnimalWised санаачилгын эксперт Эми МакКриди тайлбарлахдаа, муур халуунд дуртай учир хүний биеийг дулаан радиатор мэт ашигладаг гэжээ. Ялангуяа сэрүүн уур амьсгалтай бүс нутагт бүр урт үстэй муур ч бүрэн дулаацаж чаддаггүй. Тиймээс муур эзнийхээ хажууд эсвэл бүр дээр нь хэвтэж унтдаг байна.
Мөн муур тав тухыг эрхэмлэдэг. Өдөрт дунджаар 15 цаг унтдаг бөгөөд ор, буйдан зэрэг зөөлөн газрыг сонгох нь элбэг. Тиймээс эзний дэргэдэх ор нь түүнд хамгийн тухтай байрлал болж өгдөг.
Муурын өөр нэг онцлог бол үргэлж сонор сэрэмжтэй байх чадвар. Хэдийгээр унтаж буй мэт харагдавч эргэн тойрны аюулд мэдрэмтгий хэвээр байдаг. Эзнийхээ ойролцоо байх нь түүнд хамгаалагдсан мэт сэтгэгдэл төрүүлдэг. Шөнөдөө илүү идэвхтэй байдаг учир эзнийхээ орон дээр очиж, өөрийгөө илүү аюулгүй гэж мэдэрдэг.
Хэрэв муур орон дээр чинь ирж наалдаж, эсвэл биеэрээ үрж байвал энэ нь зөвхөн хайр төдийгүй нутаг дэвсгэрээ тэмдэглэж буй дохио. Энэ нь таныг өөрийнх нь ертөнцийн нэг хэсэг гэж хүлээн зөвшөөрсний илэрхийлэл юм.
