Казахстанд зохион байгуулагдаж буй олон улсын “Silk Way Star” дуу, урлагийн уралдаанд Монгол Улсаа төлөөлөн оролцож буй дуучин Ж.Мишээл үзэгч, шүүгчдээс өндөр үнэлгээ авч, шилдэг дөрөвт жагсаж эхэллээ.
Монгол дуугаар олныг байлдан дагуулсан үзүүлбэр
Тус уралдаанд 12 орны шилдэг дуучид өрсөлдөж байгаа бөгөөд финалын шат 2025 оны арваннэгдүгээр сарын 22-нд болох юм. Тэмцээний эхний шатанд оролцогчид үндэсний дуу дуулах даалгавартай байсан бөгөөд Ж.Мишээл “Бундан улаан” хэмээх дууг гайхалтай гүйцэтгэлтэйгээр дуулж, үзэгчид болон шүүгчдээс онц өндөр үнэлгээ авчээ.
Казахстаны хитыг монгол өнгөөр
Хоёр дахь шатанд буюу аравдугаар сарын 5-нд болсон тоглолтын үеэр тэрээр Казахстаны алдарт дуучин Аяугийн “Сыбырлайн” дууг өөрийн хэв маягаар дуулсан нь онцгой амжилт авчирч, өмнөх есдүгээр байрнаас дөрөвдүгээр байр хүртэл ахих боломж олгосон байна.
Шүүгчид түүний дуу хоолойн уянгалаг байдал, дуулалтын техник, сэтгэл хөдлөлөө илэрхийлэх чадварыг өндрөөр үнэлжээ.
Финалын шатанд өрсөлдөхөд бэлэн
Олон улсын нэр хүндтэй энэхүү уралдаанд Ж.Мишээл Монголын урлагийн өнгийг тод харуулж, финалын шатанд хүчтэй өрсөлдөгчдийн нэгээр нэрлэгдээд байна.
