Шоуг түр зогсоох болсон шалтгаан
АНУ-ын телевизийн хамгийн алдартай ток шоунуудын нэг болох Jimmy Kimmel Live! өнгөрсөн долоо хоногт түр зогссон нь олон үзэгчийн анхаарлыг татсан. Үүнд хөтлөгч Жимми Киммелийн улс төрийн өнгө аястай мэдэгдэл нөлөөлсөн юм. Тэрээр барууны үзэлтэй улс төрийн идэвхтэн агсан Чарли Киркийн нас барсны тухай хэлсэн үгс нь маргаан дэгдээж, улмаар ABC News шоуг тодорхойгүй хугацаагаар цацалтаас хасах шийдвэр гаргасан.
Disney-гийн мэдэгдэл
Гэсэн хэдий ч шуугианаас хойш зургаахан хоногийн дараа Disney компани олон нийтэд мэдэгдэл хийж, шоуг дахин эфирт гаргах болсноо зарласан. Энэ нь үзэгчдийн хүлээлтийг тайлж, Жимми Киммелийн ток шоу удахгүй дахин цацагдах нь тодорхой боллоо.
Jimmy Kimmel Live!-ийн өвөрмөц онцлог
2003 оноос эхлэн хөтлөгдөж буй энэхүү ток шоу Америкийн телевизийн соёлын салшгүй нэг хэсэг болсон. Шоуны үеэр алдартнууд өөрсдийнхөө тухай хөгжилтэй твитүүдийг уншиж сэтгэгдлээ хуваалцдаг бол үзэгчид өөрсдийн инээдэмтэй, сонирхолтой бичлэгүүдээ нэвтрүүлэгт илгээдэг уламжлалтай. Энэ нь Jimmy Kimmel Live!-ийг бусад ток шоунаас ялгаруулдаг гол онцлог юм.
Үзэгчдийн хүлээлт
Шоуг дахин гаргах шийдвэр нь Жимми Киммелийн олон жилийн турш бүрдүүлсэн үнэнч үзэгчдэд таатай мэдээ болов. Телевизийн салбарын ажиглагчдын үзэж буйгаар, уг ток шоуны эргэн ирэлт нь Америкийн орчин үеийн телевизийн соёлд өөрийн байр суурийг хадгалсаар байгаагийн нотолгоо юм.
