Blackpink хамтлагийн дуучин Жисү дэлхийн алдартай брэндүүд болох Dior, Cartier, Tommy Hilfiger, Dyson болон Alo Yoga-гийн албан ёсны нүүр царай болж ажиллаж байна. Түүний ялдам төрх, дэгжин хувцаслалт эдгээр брэндийн үнэт зүйлсийг илэрхийлэхэд онцгой хувь нэмэр оруулж байна.
Дуучин бүсгүйн нарийн мэдрэмжтэй стилистик сонголтууд нь олон улсын хэрэглэгчдийн сэтгэлийг татсаар байгаа бөгөөд үүнийгээ даган эдгээр брэндүүдийн борлуулалт ч өссөн нь тодорхой юм. Хувцас, үнэт эдлэл, технологи гэх мэт бүх чиглэлд Жисү өөрийн өвөрмөц өнгө аясыг брэндийн онцлогтой хослуулан илүү тодруулан харуулж чаддаг нь илэрхий байна.
Dior
Жисүгийн эмэгтэйлэг, энхрий төрх нь Dior брэндийн тансаг, сонгодог хэв маягийг орчин үеийн өнгө аястай хослуулж, түүнийг “Dior-ын гүнж” хэмээн нэрлүүлэхэд хүргэсэн.
Cartier
Францын алдарт үнэт эдлэлийн брэнд Cartier түүнийг элчээр сонгосон нь учиртай. Жисүгийн биеэ авч явах байдал, гоо зүйн мэдрэмж нь Cartier-ын мөнхийн үнэ цэнтэй үнэт зүйлст төгс нийцэж байна.
Tommy Hilfiger
2024 онд Жисү Tommy Hilfiger-ийн элчээр томилогдсон бөгөөд тэрээр Америк хэв маягийг Азийн соёлтой холбох гүүр болж, брэндийн олон улсын маркетингийн нүүр царай болсон.
Dyson
Жисү Dyson брэндийн нүүр царай болж, гоо сайхан ба технологийн холимог болсон Airwrap болон Supersonic үс арчилгааны төхөөрөмжүүдийн сурталчилгаанд амжилттай оролцож байна. Тэрээр мөн Dyson брэндийн олон улсын нүүр царай юм.
Alo Yoga
Ало Yoga брэнд Жисүтэй хамтран ажилласнаар, амьдралын эрч хүчтэй, тэнцвэртэй хэв маягийг дэмжигч болсон бөгөөд залуучуудад эрүүл амьдралын хэв маягийг санал болгож, олон мянган хүнд урам зориг өгч байна.
