Саяхан ENHYPEN хамтлагийн хуучин гишүүн, өдгөө EVAN нэрээр соло уран бүтээл туурвиж буй Heeseung “KCON LA” тоглолтод тусгай зочноор оролцож буй мэт харагдах зураг цахим орчинд тархжээ.
Гэвч албан ёсны бүрэлдэхүүний постерт түүний нэр байгаагүй учраас олон хүн энэ мэдээлэлд эргэлзсэн байна.
Удалгүй энэ мэдээлэл худал биш болох нь тодорхой болжээ. EVAN-ы тайзны тухай мэдэгдлийг зөвхөн урьдчилсан борлуулалтын эрхтэй гишүүдэд түрүүлж хүргэсэн аж.
Урьдчилан түгээсэн постероос харахад EVAN арга хэмжээний гурав дахь өдөр тоглохоор багтсан байжээ.
Энэ мэдээ фенүүдэд нэг талаар баяртай, нөгөө талаар гунигтай сэтгэгдэл төрүүлсэн ч тэд түүний бие даасан уран бүтээлийг идэвхтэй дэмжиж эхэлсэн байна.
Зарим нь тоглолтын тасалбарыг маш хурдан авч байгаагаа илэрхийлсэн бол, зарим нь EVAN-ы соло уран бүтээлийн шинэ үе эхэлж байгаад догдолж байгаагаа бичжээ. Мөн хэсэг фенүүд түүнийг тайзан дээр гарах боломж олдсонд баяртай байгаагаа хэлэхийн зэрэгцээ энэ мөч ENHYPEN-оос бүр мөсөн холдож буй сүүлчийн дохио мэт санагдаж байгааг нуусангүй.
Ингэснээр EVAN-ы “KCON LA”-д оролцох тухай мэдээлэл богино хугацаанд олны анхаарлыг татаж, цахим сүлжээнд хүчтэй хэлэлцүүлэг үүсгээд байна.
Үүний зэрэгцээ тэрээр өмнө нь EVAN нэрээрээ анхны албан ёсны олон нийтийн арга хэмжээнд оролцож, нэгэн брэндийн эвент дээр үзэгдсэн билээ.
