BTS-ийн V болон BLACKPINK-ийн Jennie нар тоглолтын үеэр үзэгчдэд утсаа буулгахыг хүссэн ижил төстэй үг хэлсэн нь цахим орчинд томоохон маргаан үүсгэлээ. Ялангуяа хоёр idol-д фенүүд хэр өөрөөр хандсан нь “давхар стандарт” гэх шүүмжлэлийг дахин сөхөв.
Сүүлийн үед K-pop салбарт эрэгтэй болон эмэгтэй idol-уудад хандах хандлагын ялгаа дахин хүчтэй яригдаж байна. Үүний нэг жишээ болгож V болон Jennie нарын тоглолтын үеийн богино бичлэгүүдийг олон хүн хуваалцжээ.
Бичлэгт V үзэгчдээс утсаа буулгахыг хүсэхэд олон фен түүнийг тайзны уур амьсгалыг хадгалахыг хүссэн, үзэгчидтэй бодитоор харилцахыг эрмэлзсэн гэж магтсан байна. Харин Jennie өмнө нь адилхан утга бүхий хүсэлт тавихад түүнийг зарим хэрэглэгч ширүүн шүүмжилж, бүдүүлэг, хэт шаардлага тавьсан гэж буруутгаж байжээ.
Энэ ялгаатай хандлага фенүүдийн дунд маргаан үүсгэж, олон хүн Jennie-д шударга бус хандсан гэж үзсэн байна. Зарим хэрэглэгчид “эрэгтэй idol хэлэхээр зөв, эмэгтэй idol хэлэхээр буруу болдог” гэх байр суурь илэрхийлжээ.
Jennie-д хандсан шүүмжлэл дахин сөхөгдөв
Зарим нетизенүүд Jennie-г өмнө нь “залхуу performer” гэх шүүмжлэлд өртөж байсан тул түүний хэлсэн үгийг хүмүүс илүү сөргөөр хүлээж авсан гэж тайлбарлаж байна. Гэсэн ч олон фен энэ тайлбарыг хангалтгүй гэж үзжээ.
Тэдний хэлснээр тайзан дээр үзэгчдээс утсаа түр буулгаж, тоглолтоо амьд мэдрэхийг хүсэх нь олон артистын хувьд хэвийн үйлдэл. Ийм хүсэлт гаргасных нь төлөө Jennie-г хэт хатуу шүүмжилсэн нь үндэслэлгүй байсан гэж фенүүд бичиж байна.
Мөн зарим хэрэглэгчид Jennie-д тухайн үед олон нийтээс уучлал ирэх ёстой гэж үзжээ. Тэд V ижил төстэй зүйл хэлэхэд эергээр хүлээж авсан хэр ньJennie-г шүүмжилсэн нь K-pop салбар дахь жендерийн ялгаатай хандлагыг харуулж байна гэж тайлбарласан байна.
Фенүүдийн хариу хоёр хуваагдав
Маргааны нэг тал нь Jennie-д чиглэсэн шүүмжлэл хэтрүүлэг байсан гэж үзэж байгаа бол нөгөө тал нь хоёр нөхцөл байдал яг адил биш гэж тайлбарлаж байна. Гэсэн ч гол маргаан нь idol-уудын үг бус, харин олон нийтийн хандлагын ялгаанд төвлөрч байна.
BTS-ийн V болон BLACKPINK-ийн Jennie нарын нэрс өмнө нь ч олон цуурхал, онлайн хэлэлцүүлгийн төвд орж байсан. Энэ удаад тэдний тайзан дээр хэлсэн ижил төстэй санаа дахин фенүүдийн анхаарлыг татаж, K-pop дахь давхар стандартын тухай яриаг хурцатгалаа.
Одоогоор V болон Jennie нарын талаас уг маргаанд албан ёсны тайлбар хийгээгүй байна.
