BLACKPINK-ийн Jennie шинэ брэндийн хамтын ажиллагаатай холбоотой teaser гарсны дараа цахим орчинд маргаан дэгдээлээ. Vaseline Thailand тавдугаар сарын 19-нд Jennie-тэй хамтрах бололтой богино анонс нийтэлсэн нь түүнийг тус брэндийн шинэ global ambassador болох гэж байна гэсэн таамгийг төрүүлжээ.
Vaseline Thailand нийтлэлдээ:
“Two global icons, one new chapter. Coming soon”
хэмээн бичсэн байна.
Гэвч фэнүүдийн хүлээлттэй зэрэгцэн уг мэдээ хүчтэй шүүмжлэл дагуулжээ. Зарим хэрэглэгч Vaseline-ийг Газад үргэлжилж буй нөхцөл байдалтай холбоотой бойкотын жагсаалтад багтсан брэнд гэж онцолж, Jennie-г ийм брэндтэй хамтрах гэж байгаад буруутгасан байна.
Нэг хэрэглэгч:
“Vaseline бойкотын жагсаалтад байгаа гэдгийг санаарай. Одоо түүний фэнүүд яаж хариулахыг харъя. Та нар хоёр нүүр гаргадаггүй биз дээ? Taehyung-ийг хариуцлага хүлээх ёстой гэж байсан биз дээ?”
хэмээн бичжээ.
Өөр зарим фэнүүд Jennie-г уг брэндтэй холбогдсонд сэтгэл дундуур байгаагаа илэрхийлсэн байна. Тэдний зарим нь K-pop оддын брэндийн гэрээ, улс төрийн маргаантай холбоотой асуудалд илүү хариуцлагатай хандах ёстой гэж үзжээ.
Цахим орчинд:
“Гэнэт түүний фэнүүд бойкотыг тоохоо больчихлоо”
“Тэр бойкотод орсон брэндүүдийг нэг нэгээр нь сонгоод байгаа юм шиг”
“Яагаад бүх зүйлд брэндийн элч хэрэгтэй байдаг юм бэ? Тэр тусмаа Vaseline-д?”
гэх мэт сэтгэгдлүүд гарсан байна.
Гэсэн ч Jennie болон Vaseline-ийн хамтын ажиллагаа албан ёсоор бүрэн зарлагдаагүй байгаа бөгөөд одоогоор teaser нийтлэлээс үүдсэн таамаг, хэлэлцүүлэг давамгайлж байна.
Энэ маргаан нь K-pop салбарт алдартнуудын брэндийн гэрээ зөвхөн сурталчилгаа төдий зүйл биш, улс төр, нийгмийн байр суурьтай холбогдон шүүмжлэл дагуулах болсон нөхцөл байдлыг дахин харууллаа. Фэнүүдийн нэг хэсэг Jennie-г шүүмжилж байгаа бол нөгөө хэсэг нь албан ёсны мэдээлэл гарахаас өмнө дүгнэлт хийх нь эрт гэж үзэж байна.
