“BLACKPINK” хамтлагийн гишүүн, дуучин Женни нэгэн хуримын ёслолд зочлохдоо 30 орчим жилийн түүхтэй “Versace” брэндийн архивын ховор даашинзыг өмсөж, олны анхаарлыг татлаа. Инстаграм хэрэглэгч Бонетти тус хуримын зургуудыг нийтэлсний дотор зочдын дунд байгаа Женнигийн зураг мөн багтсан байна.
Загварын өвөрмөц шийдэл ба “Versace”-ийн ховор архив
Энэхүү баярт зориулж Женни асимметрийн тайралттай, цайвар ногоон өнгийн даашинзыг баруун типийн (Western-style) гуталтай хослуулсан нь албан ёсны хуримын хувцаслалтыг илүү чөлөөтэй, шинэлэг харагдуулж байв.
Уг даашинз нь “Versace” брэндийн 1997 оны Хавар/Зуны кутюр цуглуулгынх бөгөөд гуч орчим жилийн өмнөх архивын ховор бүтээл юм. Женни чамин хийцтэй эртний даашинзыг уламжлалт хэв маягаар биш, ширүүн содон стилийн гуталтай хослуулснаар эртний загварт орчин үеийн өнгө аясыг тун чадварлагаар шингээж өгчээ.
Ташрамд дурдахад, Женни өнгөрсөн 8 дугаар сарын 28-нд “Fallen Angel” нэртэй шинэ дижитал EP цомгоо гаргасан бөгөөд тус цомгийн биет (physical) хувилбар нь 10 дугаар сарын 30-нд нээлтээ хийх аж.
