Монгол Улсын Ерөнхийлөгчийн ивээл дор зохион байгуулах «Монгол дархан-2025» үзэсгэлэнгийн талаарх мэдээллийг Монгол уран дархны “Түмэн эрдэнэс” нэгдсэн холбооноос өчигдөр буюу 2025 оны 6-р сарын 24-ний өдөр хүргэжээ.
Үзэсгэлэн нь «Монголчуудын түүхэнд дархчуудын оролцоо» сэдвийн дор зохиогдох бөгөөд дархчууд ардын урлал, шашны урлал, чимэглэлийн урлал, чөлөөт уран бүтээл гэсэн дөрвөн төрлөөр шилмэл бүтээлүүдээ дэлгэнэ. Шилдэг 20 бүтээлийг шалгаруулах бөгөөд үзэсгэлэнд оролцох бүтээлүүдийг ихэнхдээ аймаг, орон нутгаас ирсэн шилдэг дархчуудын хийсэн бүтээлүүдтэй холбож харуулах юм.
Энэхүү үзэсгэлэн нь «Монгол дархны өв соёл, урлагийн гайхамшиг» нэртэй өргөн хүрээтэй зохион байгуулагдах бөгөөд Буриад болон ӨМӨЗО-ы уран бүтээлчид ч оролцохоор хүрэлцэн ирнэ. Монгол уран дархны “Түмэн эрдэнэс” нэгдсэн холбооны тэргүүн С.Батзоригт энэ үзэсгэлэнгийн ач холбогдлыг онцолсон бөгөөд «2016 онд Монгол дархны урлагийг дэмжих тухай Ерөнхийлөгчийн зарлиг гарснаар дархчуудын үзэсгэлэнг гурван жил тутам зохион байгуулж ирсэн. Энэ удаад Өндөр гэгээн Занабазарын мэндэлсний 390 жилийн ойн хүрээнд “Чингис хаан” үндэсний музейтэй хамтран үзэсгэлэнг зохион байгуулж байна» гэж хэлсэн байна.
Үзэсгэлэнгийн хүрээнд Өндөр гэгээнтэн Занабазартай холбоотой урласан бүтээлүүдийг ч үзэх боломжтой. Мөн “Чингис хаан” үндэсний музейн есөн давхарт дархны бүтээлүүдийг дэлгэн тавих бөгөөд шинэ цагийн 2022-2025 оны хооронд бүтээсэн бүтээлүүдийг тус музейн нэгдүгээр танхимд байрлуулна.
«Түмэн эрдэнэс» нэгдсэн холбооны удирдах зөвлөлийн гишүүн Б.Алтангэрэл залуу уран дархчуудад хандан, “Монгол дархны урлагт уран ухаанаа уралдуулах нь ховор байна. Залуус маань ахмад үеийнхээ дархчуудаас суралцах хэрэгтэй” гэж уриалжээ. Үзэсгэлэнд аймаг бүрээс нэр хүндтэй дархчид оролцох бөгөөд уран дархны эрдэмд суралцахыг залууст уриалсан байна.
Тус үзэсгэлэнд дархчууд шилмэл сор бүтээлүүдээ танилцуулж, мөн эртний эдлэл цуглуулагчдаас уран дархантай холбоотой эд өлгийн зүйлсийг үзүүлж, музейн сан хөмрөгт байх Өндөр гэгээнтэн Занабазартай холбоотой бүтээлүүдийг нэг дор хоршин дэлгэн тавих болно. «Монгол дархан-2025» үзэсгэлэнгийн нээлт 7-р сарын 2-нд болох бөгөөд албан ёсны нээлт 7-р сарын 4-нд хийхээр товлогджээ.
Ташрамд дурдахад, Япон Улсын Цог Жавхлант Эзэн Хаан Нарүхито үзэсгэлэнгийн шилмэл бүтээлүүдийг үзэж сонирхохоор хүрэлцэн ирэх аж.
