Өмнөд Солонгосын алдарт жүжигчид Yoon Sun Woo болон Kim Ga Eun нар арав гаруй жилийн турш үргэлжилсэн үерхэлдээ цэг тавьж, 2025 оны аравдугаар сард хуримаа хийхээр болсныг албан ёсоор мэдэгдлээ.
Хос хоёр 2014 онд KBS2 телевизийн олон ангит “Abiding Love Dandelion” кинонд хамтран тоглож байхад анх танилцсан. Тэр үеэс эхлэн найз нөхдийн харилцаатай байсан ч удалгүй хайр дурлал болж хувирчээ. Тэд олны нүднээс ангид, чимээгүйхэн бие биедээ түшиг болсоор 10 жилийн турш хамтдаа байсан байна.
Албан ёсны мэдэгдэл
935 Entertainment агентлаг дараах мэдэгдлийг гаргалаа:
“Сайн байцгаана уу, энэ бол 935 Entertainment байна. Манай жүжигчин Yoon Sun Woo нь жүжигчин Kim Ga Eun-тэйгээ 2025 оны 10-р сард гэрлэнэ. Хурим нь дотнын хүмүүсийн хүрээнд, хаалттай хэлбэрээр зохион байгуулагдана. Шинэ амьдралаа эхлүүлж буй хосууддаа халуун баяр хүргэж, сайн сайхны ерөөлийг илгээхийг хүсье. Баярлалаа.”
Жүжигчдийн тухай товчхон
Yoon Sun Woo
– Анх 2003 онд EBS-ийн хүүхдийн нэвтрүүлэг “Environmental Squadron Zentaforce”-ээр олны өмнө гарч байв.
– 2014 онд “Abiding Love Dandelion” киногоор жүжигчний карьерээ эхлүүлсэн.
– Онцлох уран бүтээлүүд:
- Moon Lovers: Scarlet Heart Ryeo
- Liver or Die
- Stove League
- Awaken
- Good Job
- The Third Marriage
Kim Ga Eun
– 2009 онд уран бүтээлийн гараагаа эхлүүлсэн.
– Тоглосон цувралуудаас дурдвал:
- Giant
- Scent of a Woman
- Because This Is My First Life
- Radiant
- King the Land
- The Potato Lab
Арван жилийн хайр сэтгэлээ гэр бүл болгохоор шийдсэн энэхүү хосын гэрлэлтийн мэдээ нь олон шүтэн бишрэгчдэд баярт мэдээ болж байна. Хувийн амьдралаа олны анхаарлаас хол байлгаж ирсэн тэднийг энэ алхам нь урлагийн амжилттай замналыг нь улам бататгах болов уу.
