17
Америкийн алдарт реппер, дуучин Lil Nas X өнгөрөгч пүрэв гарагийн үүрээр Лос-Анжелес хотын гудамжинд дотуур хувцаснаас өөр хувцасгүй явж байгаад цагдаад саатуулагджээ.
Цагдаагийн газрын мэдээлснээр “гудамжинд нүцгэн хүн байна” гэсэн иргэдийн дуудлагын дагуу Вентура гудамжинд очсон эргүүлийн албан хаагчидтай Lil Nas X маргалдаж, бүр зодолдохыг оролдсон байна. Улмаар түүнийг саатуулж, эмнэлэгт хүргэн шаардлагатай тусламж үзүүлжээ.
Одоогийн нөхцөл байдал
- Саатуулах үеэр реппер цагдаа нартай үл ойлголцсон.
- TMZ сайтын нийтэлсэн бичлэгт тэрээр гудамжинд нүцгэн алхаж, замын хүмүүсийг “үдэшлэгт ирээрэй” хэмээн урьж дуулж буй нь гарсан байна.
Lil Nas X-ийн тухай
- Жинхэнэ нэр нь Монтеро Ламар.
- 2019 онд гаргасан “Old Town Road” хит дуугаараа дэлхий даяар алдаршсан.
- Уг дуу Billboard Hot 100 жагсаалтыг 17 долоо хоног дараалан тэргүүлсэн түүхтэй.
- Тэрээр Грэммийн хоёр шагнал, мөн Америкийн кантри хөгжмийн холбооны шагнал хүртсэн анхны ижил хүйстэн уран бүтээлч болсон.
- Одоогоор түүний хоёр дахь бүрэн хэмжээний студийн цомог “Dreamboy” оны сүүлээр гарахаар хүлээгдэж байна.
