Теннисчин Анна Курникова болон дуучин Энрике Иглесиас нар дөрөв дэх хүүхдээ өлгийдөн авах гэж байна.
Hola! сэтгүүлд мэдээлснээр, хосын ойрын эх сурвалж гэр бүлд шинэ хүн жилийн сүүлээр мэндлэхээр төлөвлөж буйг баталжээ. Эх сурвалжийн хэлснээр Курникова жирэмсний 4–5 сартай бөгөөд өөрийгөө сайн мэдэрч байгаа гэнэ. Харин алдартнууд өөрсдөө энэ талаар албан ёсны тайлбар хийгээгүй байна.
Өнгөрсөн долоо хоногт Анна Курниковаг гурван хүүхэдтэйгээ (ихэр Николас, Люси болон 5 настай Мария) Майамид харсан нь олон нийтийн дунд жирэмсний тухай яриаг улам лавшруулсан. Тэрээр цагаан том цамц, богино хар шорт өмссөн байсан юм.
Курникова, Иглесиас нар 2001 оноос үерхэж эхэлсэн бөгөөд “Escape” дууны клипний зураг авалтын үеэр танилцжээ. Хэдийгээр 20 гаруй жил хамтдаа байсан ч албан ёсоор харилцаагаа баталгаажуулаагүй. 2017 оны 12-р сарын 16-нд тэдний ихэр хүүхдүүд төрсөн бөгөөд хүүг Николас, охиныг Люси гэж нэрлэсэн. 2020 оны 1-р сарын 30-нд гурав дахь хүүхэд Мария мэндэлсэн. 2023 онд хос нууцаар хуримаа хийсэн талаар дуучны ах Хулио мэдээлсэн ч, тэд өөрсдөө энэ тухай олон нийтэд яриагүй.
