Трамп Сильвестр Сталлоне болон Kiss Хамтлагт Шагнал Гардуулжээ

АНУ-ын Ерөнхийлөгч Дональд Трамп Кеннедийн Төвийн Медалиар Сильвестр Сталлоне болон Kiss хамтлагийг шагнав.

АНУ-ын Ерөнхийлөгч Дональд Трамп жүжиглэх урлагийн хөгжилд оруулсан гарамгай хувь нэмрийг нь үнэлж, нэр хүндтэй хэд хэдэн уран бүтээлчдэд Кеннедийн Төвийн медалиудыг гардууллаа.

Энэ тухай PBS News Hour-т дурдсаныг Mongolshow.biz эш татан мэдээллээ. Kiss хамтлаг, жүжигчин Сильвестр Сталлоне, мөн “I Will Survive” дууны зохиогч, дуучин Глория Гейнор нар шагналын эзэн болжээ. Түүнчлэн Их Британийн жүжигчин Майкл Кроуфорд болон кантри дуучин Жорж Стрейт нар мөн шагнал хүртсэн байна.

“Эдгээр хүмүүс нь гарамгай хүмүүсийн бүрэлдэхүүн бөгөөд тэдний ажил, амжилтууд нь олон сая Америкчуудыг урамшуулж, зоригжуулж, нэгтгэсэн. Энэ бол Кеннедийн Төвийн шагналын лауреатуудын дунд цугларсан хамгийн нэр хүндтэй, алдартай бүрэлдэхүүн байх” гэж АНУ-ын Ерөнхийлөгч мэдэгдэв.

Трампын хэлснээр, шагнал хүртсэн уран бүтээлчид нь “Америкийн урлаг, соёлын шилдгийг” төлөөлж байна. Тэрээр лауреатуудын ихэнхийг хувьдаа таньдаг бөгөөд тэднийг шүтэн биширдэг гэдгээ онцолжээ.

“Миний найз (Сталлоне) бол гарамгай хүн, жинхэнэ агуу кино оддын нэг. Ийм хүмүүс цөөн. Өмнө нь хавьгүй олон байсан” гэж Америкийн удирдагч Сталлонед шагнал гардуулах үеэр хэлжээ.

Трамп шагнал гардуулах үеэр орчин үеийн кино урлагт “домог” хэмээх цолыг хүртэхүйц жүжигчид тун ховор байгааг шүүмжилсэн байна.