Google Trends 2025: хамгийн их хайсан алдартны нэр тодров
“Google Trends” 2025 онд хамгийн их хайгдсан алдартнуудын чансааг танилцууллаа. Энэ жилийн жагсаалтыг реппер, продюсер Кендрик Ламар тэргүүлсэн байна.
Амжилтын шалтгаан: цомгийн нөлөө, үзэгчийн рекорд үзүүлэлт
Кендрик Ламарын хувьд шинэ цомог нь “Billboard”-ийн эхний 10 байрны долоог нь эзэлсэн гэж мэдээлэв. Мөн 2025 онд тэрээр үзэгчдийн тоогоор Майкл Жексоны үзүүлэлтийг давсан гэж онцолжээ. Тодруулбал, NFL-ийн финалын тоглолтын үеэр хийсэн түүний тоглолтыг 133.5 сая хүн үзсэн нь Майкл Жексоны 133.4 сая гэсэн үзүүлэлтээс өндөр гарсан байна.
Жагсаалтад багтсан бусад нэрс
Энэ удаагийн Google Trends-ийн чансаанд мөн АНУ-ын реппер D4vd, телевизийн хөтлөгч, жүжигчин Жимми Киммел, АНУ-ын улс төрч Тайлер Робинсон, Ромын хамба Лев XIV, хөлбөмбөгч Шедер Сандерс, Канье Уэстын эхнэр Бьянка Цензори, АНУ-ын Нью-Йоркийн шинэ Амбан захирагч Зохран Мамдани, Шведийн эко зүтгэлтэн Грета Тунберг, Японы анхны эмэгтэй Ерөнхий сайд Санаэ Такаичи нарын нэрс оржээ.
