BLACKPINK хамтлагийн гишүүн Лиза сүүлийн үед карьерынх нь томоохон мэдээтэй зэрэгцэн найз залуутай холбоотой цуурхлаас үүдэлтэй таагүй, дайрсан өнгө аястай сэтгэгдлүүдийн бай боллоо.
Фредерик Арнотой холбоотой гэх цуурхал дахин хүчтэй сэдэв болов
Лизаг Фредерик Арнотой холбоотой байж магадгүй гэх мэдээлэл өмнө нь ч удаа дараа гарч, хэсэг хугацаанд олон нийтийн анхаарлын төвд байсаар ирсэн. Албан ёсоор батлагдаагүй хэвээр байгаа ч интернэт хэрэглэгчдийн дунд байр суурь эрс ялгаатай хариу үйлдлүүдийг өдөөсөн нь энэ удаад ч давтагдав.
Netflix-ийн шинэ төсөл зарлагдсан ч баярыг нь шүүмжлэл сүүдэрлэв
Саяхан Лиза “Ноттинг Хилл” хэмээх алдартай киноноос санаа авсан Netflix-ийн шинэ төсөлд тоглохоор болсон нь ил болсон. Энэ мэдээ шүтэн бишрэгчдийн хувьд баярт явдал байсан ч зарим хэрэглэгч түүний амжилтыг уран бүтээлийн чадвар, хөдөлмөртэй нь бус харин харилцаатай нь холбон тайлбарлах оролдлого дахин хүчтэй гарч ирэв.
“Хувийн холбоо”-гоор ажил авсан гэх дайралт нэмэгдэв
Олон нийтийн сүлжээнд гарсан хэсэг шүүмжлэл Лизагийн нэр хүнд, мэргэжлийн ур чадварт чиглэж, түүнийг Арнотой холбоотой гэх нөлөөгөөр ажлын боломж авсан мэтээр бичсэн байна. Зарим нь бүр түүний англи хэл, жүжиглэлттэй холбоотой доромж өнгө аястай тайлбар хийж, амжилтыг нь хувь хүний хүчин чармайлттай нь холбохоос татгалзсан агуулгатай пост, жиргээнүүд нийтэлжээ.
Аль аль тал нь цуурхлын талаар тайлбар хийгээгүй хэвээр
Одоогоор Лиза ч, Фредерик Арно ч харилцааны цуурхлын талаар олон нийтэд ямар нэгэн мэдэгдэл хийсэнгүй. Гэсэн ч Лизагийн шинэ уран бүтээлийн мэдээ бүрийн үеэр хувийн амьдралтай нь холбоотой таамаг, маргаан давхар олны яриа болдог байдал энэ удаад дахин ажиглагдлаа.
