Реппер Lee Young Ji жингийн өөрчлөлтийнхөө талаар фенүүдтэйгээ илэн далангүй ярьж, дахин олны анхаарлыг татлаа. Тэрээр өмнө нь 13 кг хассан ч дараа нь ихэнх жингээ буцаан нэмсэн тухайгаа хошин өнгө аястайгаар хуваалцжээ.
Тавдугаар сарын 25-нд Lee Young Ji олон нийтийн сүлжээгээр фенүүдтэйгээ асуулт, хариулт хийсэн байна. Энэ үеэр нэгэн фен түүнээс “specs”-ээ хэлэхийг хүсэхэд тэр эхэндээ асуултыг буруу ойлгож:
“Ахлах сургууль төгссөн. Яагаад үүнийг асуугаад байгаа юм?”
хэмээн хошигножээ.
Дараа нь фен нь өндөр, жингийн талаар асуусныг ойлгоод тэр инээж:
“Тэр чинь бүгд Namuwiki дээр байгаа шүү дээ. Хоёр жил хөдөлгөөнгүй царцсан байгаа”
гэж хариулсан байна.
Олон нийтэд байдаг мэдээллээр Lee Young Ji 175 см өндөр, ойролцоогоор 63 кг жинтэй гэж тэмдэглэгдсэн байдаг.
“Миний жин нэмэгдэх ч үгүй, хасагдах ч үгүй”
Lee Young Ji биеийн жин, хэлбэрийн өөрчлөлтийн талаар ч үнэнээр нь ярьжээ. Тэрээр өөрийн жинг шоо хаях тоглоомтой зүйрлэн:
“Миний жин нэмэгдэх ч үгүй, хасагдах ч үгүй. Өдөр бүр шоо хаяж байгаа юм шиг. Заримдаа 3 буудаг, заримдаа Michelin дугуй шиг санагддаг”
хэмээн хошигносон байна.
Мөн тэрээр жин хассан арга барилын талаар асуух шаардлагагүй гэж хэлээд:
“Яаж жин хассан бэ гэж асуух ч хэрэггүй. Би нэг грамм ч хасаагүй”
хэмээн шуудхан хэлжээ.
Түүний энэ үгс Солонгосын онлайн нийгэмлэгүүдэд хурдан тархаж, олон нетизен Lee Young Ji-г бодит байдлаа нуухгүй, celebrity стандартын хиймэл дүр төрх хадгалах гэж оролдохгүй байгаад нь магтсан байна.
Өмнө нь Lee Young Ji хүргэлтийн хоолноос татгалзаж жингээ бууруулсан тухайгаа ярьж, 13 кг хассан мэдээллээр олны анхаарлыг татаж байсан. Гэвч энэ оны нэгдүгээр сард тэрээр жин буцаан нэмэгдсэнээ илэн далангүй хүлээн зөвшөөрсөн юм.
Тухайн үед тэрээр:
“Миний profile шинэчлэгдэх болгонд нийтлэлүүд намайг 13 кг хассан гэж бичсээр байдаг. Би анзаараагүй мэт дүр эсгэсээр байсан ч эвгүй санагдсан учраас үнэнээр нь хэлэх ёстой гэж бодлоо. 13 кг хассан үеэсээ хойш би ойролцоогоор 11 кг-ыг буцааж нэмсэн”
гэж ярьжээ.
фенүүд түүний энэ шударга, бодит хандлагыг эергээр хүлээн авч байна. Олон хүн Lee Young Ji-г биеийн дүр төрх, жингийн талаар хэт төгс мэт дүр эсгэдэггүй нь түүнийг олон нийтэд хайрлагддаг гол шалтгаануудын нэг гэж бичжээ.
