“Euphoria” цуврал жүжигчний амьдралыг өөрчилсөн
Холливудын жүжигчин Сидни Суини төгс галбираараа олны анхаарал татдаг ч тэр багадаа өөрийн биеийн төрхөд огт итгэлгүй байсан тухайгаа илэн далангүй ярьжээ. 28 настай жүжигчин гуравдугаар сарын 12-нд Us Weekly сэтгүүлд өгсөн ярилцлагадаа хүүхэд насныхаа дурсамжийг хуваалцсан байна. Тэрээр бага сургуульд байхдаа өөрийн биеийн онцлогоос болж ихэд санаа зовдог байснаа дурдсан юм.
Багадаа өөрийгөө нуухыг хүсдэг байсан
Тэрээр: “Зургаадугаар ангид байхдаа миний хөхний даруулганы хэмжээ аль хэдийн 32DD болсон байсан. Тэр үед би өөртөө огт итгэлгүй байсан бөгөөд биеэ зүгээр л нуухыг хүсдэг байлаа” гэж ярьжээ. Түүний хувьд өөртөө итгэх итгэлийг олж авахад хамгийн их нөлөөлсөн зүйл бол HBO сувгийн алдарт Euphoria цуврал байсан байна.
“Өөрийн биеийг үнэлж сурсан”
Сидни Суини тус цувралд Кэсси дүрийг бүтээж, дэлхийн хэмжээнд алдар нэр олсон. Энэ дүрийг бүтээх явцдаа тэр өөрийн биеийн талаарх ойлголтоо өөрчилж чадсан гэж хэлжээ. Тэрээр: “Кэсси дүрийг бүтээж байхдаа би өөрийн бие ямар гайхалтай болохыг ойлгож эхэлсэн. Өөртөө итгэлтэй байх нь ямар хүчтэй мэдрэмж болохыг мэдэрсэн” гэж хэлсэн байна.
Мөн тэр: “Бид өөрийн арьс, биеийг байгаагаар нь хүлээн зөвшөөрч, түүндээ таатай хандах хэрэгтэй” хэмээн онцолсон байна.
Хувийн брэнд байгуулах санаа төрсөн
Түүний биеийн онцлогоос үүдэн тулгарч байсан таагүй мэдрэмжүүд нь бизнесийн санаа төрүүлэхэд ч нөлөөлсөн байна. Сидни Суини өөрийн дотуур хувцасны SYRN брэндийг байгуулж, эмэгтэйчүүдэд илүү тохиромжтой бүтээгдэхүүн бүтээхийг зорьжээ. Түүний хэлснээр зах зээл дээрх олон дотуур хувцас мөрийг дарж өвтгөх, хангалттай дэмжлэг үзүүлэхгүй зэрэг асуудалтай байдаг аж.
Шүүмжлэлд өөрийн байр суурийг илэрхийлэв
Саяхан тэр Cosmopolitan сэтгүүлийн нүүрэнд зориулсан зураг авалтаар дамжуулан өөрийн брэндийг танилцуулсан. Зарим хүмүүс түүний брэндийг “эрэгтэйчүүдийн харцанд зориулсан” гэж шүүмжилсэн ч жүжигчин өөрийн байр суурийг тодорхой илэрхийлжээ.
Тэрээр: “Өөрийн биеийг эзэмшиж, өөрийнхөө төлөө үйлдэл хийхээс илүү эмэгтэйлэг зүйл гэж юу байх вэ?” гэж хэлсэн байна.
Мөн тэр: “Энэ бол өөрийн бие болон өөрийн түүхийг буцаан авах үйл явц. Үүний зэрэгцээ бусад эмэгтэйчүүдийг хүчирхэгжүүлэх зорилготой” гэж нэмж хэлжээ.
Жүжигчний карьер үргэлжилж байна
Одоогоор Сидни Суини жүжигчний карьераа амжилттай үргэлжлүүлж байгаа бөгөөд The Housemaid зэрэг шинэ кино төслүүд дээр ажиллаж байна.
