Монголын цахим спортын «The MongolZ» баг BLAST Bounty Fall 2025 тэмцээний шөвгийн тоглолтод амжилттай оролцож, дэд байрт шалгарч 68,437 ам.долларын шагнал хүртлээ. Багийн албан ёсны спонсор нь 1xBet Mongolia юм.
Шөвгийн дөрөвт The MongolZ баг дэлхийн чансааг тэргүүлэгч Францын «Team Vitality»-г 2:0 харьцаатай ялж, үзэгчдэд гайхалтай тоглолт үзүүлсэн. Үүний дараа аваргын төлөө ОХУ-ын «Team Spirit» багтай тоглосон ч 0:3 харьцаатай хожигдлоо. Тоглолтууд «Nuke», «Mirage» болон «Ancient» картыг хамарсан бөгөөд баг хамгаалалтын болон довтолгооны байрлалдаа хязгаарлагдмал оноо авсан юм.
Энэхүү амжилтаар The MongolZ баг BLAST Bounty Fall 2025 тэмцээний дэд байр эзэлж, үзэгчдэд өөрсдийн хүч чадлыг харууллаа. Аваргын цомыг өргөсөн «Team Spirit» баг 287,813 ам.долларын шагнал хүртжээ.
The MongolZ баг цаашид энэ сарын 20-24-нд Саудын Арабын Эр-Рияд хотноо болох 1.2 сая ам.долларын шагналын сантай Esports World Cup 2025 тэмцээнд оролцохоор бэлдэж байна. Шагналт тэмцээний эхний тоглолтод тэд Германы «GamerLegion» багтай таарчээ.
