Германы Cologne хотноо зохион байгуулагдаж буй 1.25 сая ам.долларын шагналын сантай “IEM Cologne 2025” цахим спортын тэмцээний шигшээ шатны тоглолтууд маргааш эхлэх гэж байна.
Тус тэмцээнд амжилттай оролцож буй Монголын “The MongolZ” баг 8-р сарын 1-ний орой 21:45 цагаас Украины шилдэг баг “NaVi”-тай хүч үзэхээр товлогдлоо. Манай баг өмнөх шатанд “3DMAX” болон “Falcons” багуудыг 2:0-ийн харьцаатай буулган авч, плэйоффт шалгарсан ч “Vitality” багт ялагдсанаар шөвгийн наймд тоглохоор болсон юм. “NaVi” багийн хувьд “Б” хэсгээс гуравдугаар байраар шалгарч ирсэн ба энэхүү тоглолт нь тэмцээний анхаарал татсан халз тулаануудын нэг байх нь гарцаагүй.
Шигшээ шатны бүх тоглолтууд Cologne хотын алдарт “Lanxess Arena” цэнгэлдэх хүрээлэнд явагдах бөгөөд “The MongolZ” багийн хувьд тус аренад анх удаа тоглох гэж байгаа нь тэдний хувьд түүхэн мөч болж байна. Хэрвээ манай баг энэ тоглолтод ялалт байгуулбал, шөвгийн дөрөвт шалгарч “Team Spirit” багтай тоглох эрхтэй болно.
Тэмцээний хүрээнд “The MongolZ” багийг олон улсын цахим спортын томоохон 1xBet Монгол компани ивээн тэтгэж байгааг албан ёсоор мэдэгдсэн байна. Энэхүү ивээн тэтгэлэг нь багийн амжилтад чухал нөлөө үзүүлж байгаа бөгөөд дэлхийд өрсөлдөх чадавхыг нэмэгдүүлэх чухал дэмжлэг болж байна.
2 сэтгэгдэлүүд
The MongolZ vs. NaVi-д амжилт хүсье! Галзуу тоглолт болох нь ээ
Тэд анх удаагаа Lanxess Arena-д тоглох нь үнэхээр гайхалтай. Монголын эспортын хувьд мартагдашгүй мөч!