Rihanna болон рэппер A$AP Rocky нарын охин Rocky Irish есдүгээр сарын 13-нд нэг нас хүрчээ. 38 настай дуучин охиныхоо төрсөн өдрийн баярт түүнтэй яг ижил загварын хувцас өмсөн оролцсон нь фэнүүдийн анхаарлыг татсан байна.
Баярын үеийн зургуудыг Rihanna-ийн найз Melissa Forde сошиал хуудсандаа нийтэлжээ.
Ээж, охин хоёр ижилхэн ягаан төрх сонгожээ
Rihanna болон түүний охин ягаан өнгийн, хуниастай чимэглэлтэй, богино өмд болон том цэгэн хээтэй бантаар хослуулсан ижилхэн хувцас өмссөн байна.
Melissa Forde зургуудыг нийтлэхдээ:
“Төрсөн өдрийн мэнд, Rocky Irish! Бяцхан охин аль хэдийн нэг нас хүрсэн гэдэгт итгэхгүй нь” гэж бичээд Rihanna-г мөн тэмдэглэжээ.
Ижилхэн хувцастай ээж, охины зургууд сошиал сүлжээнд хурдан тархаж, олон хүний анхаарлыг татсан байна.
Rihanna, A$AP Rocky нар гурван хүүхэдтэй
Rihanna болон 37 настай A$AP Rocky, жинхэнэ нэрээр Rakim Mayers нар ойролцоогоор таван жилийн турш хамт байгаа.
Тэднийг аль хэдийн нууцаар гэрлэсэн гэх цуурхал өмнө нь гарч байсан ч хос энэ талаар албан ёсоор баталгаажуулаагүй байна.
2022 онд Rihanna анхны хүү RZA-гаа төрүүлсэн бол 2023 онд хосын хоёр дахь хүү Riot мэндэлжээ.
Харин өнгөрсөн онд Rihanna Met Gala дээр гурав дахь жирэмслэлтээ зарлаж, есдүгээр сард охин Rocky-гаа төрүүлсэн байна.
Ийнхүү охиных нь нэг насны төрсөн өдөр гэр бүлийн хувьд онцгой баяр болж, Rihanna охинтойгоо ижилхэн төрхөөр гарч ирсэн нь баярын хамгийн их яригдсан мөчүүдийн нэг болжээ.
