Senzu: The MongolZ миний хоёр дахь гэр бүл хэвээр

IEM Chengdu 2025, шинэ бүрэлдэхүүн

CS2-ийн мэргэжлийн тайзанд өрсөлдөж буй The MongolZ баг бүрэлдэхүүндээ өөрчлөлт оруулснаас хойших анхны тэмцээн болох IEM Chengdu 2025-д оролцохоор бэлтгэлээ базааж байна. Энэ тэмцээнийг угтаж багийн талаар, дотоод уур амьсгал, сүүлийн өөрчлөлтүүдийн тухай өгүүлэх влог бичлэгийг албан ёсны сувгаараа дамжуулан дэмжигчдэдээ хүргэсэн юм.

Шинэ баримтат төсөл, тэмцээний бэлтгэл ажилд ивээн тэтгэгчээр 1xBet оролцож, The MongolZ-ийн замналыг олон нийтэд илүү өргөн хүрээнд харуулах боломж бүрдүүлж байна.

Влогийн үеэр багаас хасагдсан тоглогч Senzu өөрийн гарахаар болсон шийдвэрийнхээ талаар анх удаа дэлгэрэнгүй тайлбар өгч, багтайгаа ямар харилцаатай үлдсэн талаар нээлттэй ярьжээ.

Senzu: “The MongolZ намайг тоож аваагүй бол би хэн ч биш байх байсан”

Бүрэлдэхүүний өөрчлөлт олон нийтийн дунд олон асуулт дагуулж, зарим хөгжөөн дэмжигчид дотоод зөрчил, маргаан байсан гэж таамаглаж байлаа. Харин влогт Senzu үүнийг няцааж, шийдвэрийг талууд харилцан ярилцаж, ойлголцлын үндсэн дээр гаргасныг онцлон дурдсан.

Тэрээр хэлэхдээ:

«Бид олон талаас ярилцсаны эцэст, асуудал үүсэхгүй байх хамгийн боломжтой шийдвэрийг гаргасан. The MongolZ намайг тоож аваагүй бол би хэн ч биш байх байсан. Намайг багаас гарсан мэдээг сонсоод хүмүүс заавал биднийг эсрэг тал болгох гээд байгаа. Хэн нэгэнд нь буруу өгөх гээд байх шиг байна. Тэгэх ямар ч шаардлагагүй, The MongolZ бол миний хоёр дахь гэр бүл. Бид цаашдаа ч гэр бүл хэвээрээ байх болно. Тиймээс хүмүүсийг буруу ойлголттой битгий байгаасай гэж хэлмээр байна. Өөртөө цаг гаргасан гоё санагдаж байгаа, цаашдаа өөрийгөө илүү анхаарч хайрлана. Хүмүүсийн намайг шүүмжлэх, муугаараа хэлэхийг нь тоолгүй урдах ажлаа хийгээд явна. Би багаас гарлаа гээд Азийн номер нэг баг The MongolZ хэвээрээ байх болно. Гэртээ суугаад багийнхаа тоглолтыг үзэх гоё санагдсан. Хүмүүс яагаад тэгж их дурлаж үзээд байдгийг нь ойлгосон»

Эдгээр үгнээс харахад Senzu багийнхаа эсрэг талд биш, харин одоо ч доторх хүн шиг нь үлдсэн, сэтгэл зүйн хувьд “The MongolZ-оо дэмжигч талд” байгаагаа илэрхийлжээ.

Хөгжөөн дэмжигчдэд хандсан уриалга: “Биднийг талцуулж харах хэрэггүй”

Senzu ярилцлагадаа өөрийг нь багаас гарсан гэх мэдээг дэвэргэж, заавал хэн нэгнийг “муу тал” болгох гэж оролдож буй хандлагыг шүүмжилсэн. Тэр өөрийгөө The MongolZ-ийн амжилтаар гарсан тоглогч гэж үзэж, “хоёр дахь гэр бүл” гэсэн үгээр багийнхаа ач тус, үнэ цэнийг илэрхийлсэн байна.

Түүний гол мессеж:

• Хөгжөөн дэмжигчдийг баг, тоглогчдыг талцаж үзэхгүй байхыг уриалсан
• Хэн нэгэнд заавал буруу өгөх гэж бус, багийн нийт амжилтыг Азийн №1 түвшинд хадгалж буй хамтын хөдөлмөр гэж үзэхийг хүссэн
• Өөрийнхөө дараагийн алхмуудыг өөртөө анхаарч, хөгжих шинэ үе шат гэж харж байгаагаа илэрхийлсэн

The MongolZ баг IEM Chengdu 2025-д шинэ бүрэлдэхүүнтэйгээр, ивээн тэтгэгчийн нэг болох 1xBet-ийн дэмжлэгтэйгээр оролцох гэж байна. Харин Senzu гэрээсээ багийнхаа тоглолтыг үзэж, үзэгчийн талд суугаад, “яагаад The MongolZ-д ингэтлээ дурлаж үздэгийг нь одоо л өөрийн биеэр мэдэрч байна” гэж хэлсэн нь түүний багтайгаа сэтгэл хадаатай хэвээр байгааг тод харууллаа.