Монголын цахим спортын шилдэг төлөөлөгч The MongolZ баг 2025 онд дэлхийн хэмжээний хоёр томоохон тэмцээнд оролцох эрх авч, олон улсын тавцан дахь байр сууриа улам баталлаа. Тус баг нь IEM Cologne 2025 болон Esports World Cup 2025 тэмцээнд уригдсан нь тэдний тасралтгүй өсөлт, тогтвортой амжилтыг нотолсон онцгой үйл явдал боллоо.
IEM Cologne 2025 тэмцээн 7-р сарын 23-наас 8-р сарын 3-ны хооронд Германы Кёльн хотод зохион байгуулагдах бөгөөд The MongolZ баг тэмцээний хоёрдугаар шатанд шууд урилгаар оролцохоор болжээ. Энэхүү тэмцээнд дэлхийн шилдэг CS2 багууд оролцох ба шагналын сан нь 1.25 сая ам.доллар-т хүрээд байна. Монголын багийн тоглолт 7-р сарын 26-наас эхлэх бөгөөд энэ нь CS2 төрлийн 2025 оны хамгийн том тэмцээнүүдийн нэгт тооцогдож буй юм.
Үүнээс гадна, The MongolZ баг нь цахим спортын олон улсын хамгийн өргөн цар хүрээтэй тэмцээн болох Esports World Cup 2025-д оролцох урилгаа хүлээн авчээ. Энэ нь тэдний амжилтын дараагийн томоохон алхам боллоо. Уг тэмцээн нь дэлхийн шилдэг багуудыг нэг дор цуглуулж, олон платформоор шууд дамжуулан хүргэх ба The MongolZ баг CS2 болон PUBG төрлөөр өрсөлдөх юм.
Эдгээр амжилтад хүрэхэд тоглогчдын ур чадвар, менежментийн бодлогоос гадна тус багийн албан ёсны ерөнхий ивээн тэтгэгч болох 1xBet компанийн дэмжлэг чухал нөлөө үзүүлсэн. 1xBet нь цахим спортын салбарт тогтмол хөрөнгө оруулалт хийж, олон улсын тэмцээн, багуудыг ивээн тэтгэж ирсэн туршлагатай бөгөөд The MongolZ-ийн амжилтын ард чухал түншийн нэг болж байна.
The MongolZ баг ийнхүү Монголын цахим спортын нэрийг дэлхийн тавцанд шинэ түвшинд гаргаж, CS-ийн түүхэнд өөрсдийн тод мөрийг үлдээж эхэллээ. Тэдний энэхүү амжилт нь ирээдүйн залуу тоглогчдод урам зориг, үлгэр жишээ болох нь гарцаагүй.
