BLAST Open Rotterdam 2026 тэмцээний хэсгийн шатанд The MongolZ баг Team Liquid-тэй тоглож, 2:0 харьцаатай ялалт байгуулснаар дараагийн шатанд шалгарлаа.
Тоглолтын өрнөл
Эхний Ancient мап дээр тоглолт тун ширүүн өрнөж, хоёр баг оноогоор ойрхон явсан ч төгсгөлд нь Монголын баг 16:14-өөр илүүрхэж чадсан байна. Харин Mirage дээр The MongolZ илүү тогтвортой тоглолт үзүүлж, 13:10-аар ялалт байгуулснаар цувралыг хаалаа.
Дараагийн шатны сорил
Энэхүү ялалтын дараа The MongolZ баг В хэсгийн доод хүснэгтийн финалд шалгарсан бол Team Liquid тэмцээнээ өндөрлүүлж, 9-12 дугаар байрт жагсан 32,500 ам.долларын шагнал хүртсэн байна. Дараагийн шатанд Монголын баг Team Spirit-тэй тоглох бөгөөд өмнөх уулзалтуудад харьцангуй хүнд өрсөлдөөнтэй байсан ч энэ удаад илүү сайн формтой байна.
The MongolZ баг уламжлал ёсоор 1xBet Mongolia-гийн дэмжлэгтэйгээр тэмцээнд оролцож байгаа бөгөөд BLAST Open Rotterdam 2026 гуравдугаар сарын 18-наас 29-ний хооронд 1.1 сая ам.долларын шагналын сантайгаар үргэлжилж байна.
2 сэтгэгдэлүүд
The MongolZ финалд ойртож байгаа нь үнэхээр гайхалтай
Ийм амжилтыг харахад үнэхээр урам орж байна