ENHYPEN хамтлагийн гишүүн Хисын хамтлагаас гарахаа зарласнаас хойш 10 хоног өнгөрсөн ч маргаан намжаагүй хэвээр байна. Үүнд агентлагийн мэдээллийн шинэчлэлт дутмаг байгаа болон фенүүдийн хүчтэй эсэргүүцэл нөлөөлж байгаа аж.
Гуравдугаар сарын 20-ны байдлаар томоохон портал сайтууд Хисыг одоо ч ENHYPEN-ийн гишүүнээр бүртгэсээр байгаа бөгөөд албан ёсоор 6 гишүүнтэй болсон мэдээлэл шинэчлэгдээгүй байна. Түүнчлэн шинэ арга хэмжээний зарлалд хүртэл түүний оролцоог дурдсан нь анхаарал татаж байна.
Фенүүдийн эсэргүүцэл ч үргэлжилж байгаа бөгөөд Сөүл хотын Ёнсан дүүрэг дэх HYBE-ийн төв байрны орчимд ачааны машинаар эсэргүүцлийн кампанит ажил өрнүүлж байна. Тэд “Албан мэдэгдлийг цуцал”, “Хис ENHYPEN-д байх ёстой”, “ENHYPEN үргэлж долоон гишүүнтэй” зэрэг уриа бүхий самбар байршуулжээ.
Belift Lab агентлагийн зүгээс “Гишүүдийн ирээдүй болон хамтлагийн чиглэлийн талаар нухацтай хэлэлцсэний дараа Хисын уран бүтээлийн тодорхой зорилгыг хүндэтгэн энэ шийдвэрийг гаргасан” гэж мэдэгдсэн байна.
Харин Хис өөрийн гараар бичсэн захидалдаа “Удаан бодсоны эцэст компанийн санал болгосон чиглэлийг дагаж, фенүүддээ илүү сайн байдлаар хүрэх хүнд шийдвэр гаргасан” хэмээн илэрхийлжээ.
