Дуучин Rihanna 13-нд нэг нас хүрсэн бага охин Rocky-гийнхоо ховор зургуудыг олон нийтэд хуваалцжээ. Түүний охины аав нь 37 настай реппер A$AP Rocky буюу Rakim Mayers юм.
38 настай Rihanna зургуудынхаа тайлбарт:
“Надад охин төрүүлэхийг хэн зөвшөөрчихөв өө?”
хэмээн хөгжилтэй байдлаар бичсэн байна.
Нийтэлсэн зургуудын дунд Rocky ганцаараа байгаа агшин, ээжтэйгээ хамт авахуулсан зураг, мөн нэг насны төрсөн өдрийн үеэр авсан гэрэл зургууд багтжээ.
Ээж, охин ижил төрхөөр төрсөн өдөр тэмдэглэсэн
Rihanna саяхан охиныхоо анхны төрсөн өдрийг тэмдэглэхдээ түүнтэй ижил хэв маягийн хувцас сонгож, хамтдаа зураг авахуулсан юм.
Ээж, охины ижилссэн төрх тухайн үед фэнүүдийн анхаарлыг татаж байсан бөгөөд Rihanna энэ удаа охиныхоо өдөр тутмын илүү энгийн, дотно агшнуудыг ч харуулжээ.
Rocky 2025 оны есдүгээр сард төрсөн бөгөөд Rihanna, A$AP Rocky хоёрын гурав дахь хүүхэд юм.
Rihanna, A$AP Rocky нарын гэр бүл өргөжсөөр ирсэн
Rihanna болон A$AP Rocky нар ойролцоогоор таван жил хамт байгаа гэж мэдээлэгддэг.
Хосыг аль хэдийн гэрлэсэн гэх цуурхал өмнө нь гарч байсан ч тэд энэ талаар олон нийтэд албан ёсны дэлгэрэнгүй мэдээлэл өгөөгүй хэвээр байна.
Rihanna 2022 онд анхны хүү RZA-гаа төрүүлж, дараа жил нь буюу 2023 онд хоёр дахь хүү Riot-оо өлгийдөн авсан юм.
Харин 2025 оны Met Gala-гийн үеэр тэр гурав дахь жирэмслэлтээ олонд зарлаж, мөн оны есдүгээр сард охин Rocky-гоо төрүүлжээ.
Дөрөв дэх жирэмслэлтийн цуурхал батлагдаагүй
Сүүлийн үед Rihanna-г дахин жирэмсэн байж магадгүй гэх таамаг хэд хэдэн удаа гарсан ч энэ мэдээлэл албан ёсоор батлагдаагүй байна.
Rihanna өөрөө ч дөрөв дэх хүүхэд хүлээж байгаа тухай мэдэгдэл хийгээгүй.
Тиймээс одоогоор фэнүүдийн анхаарал түүний бага охин Rocky-гийн нэг насны төрсөн өдөр болон дуучны хуваалцсан гэр бүлийн шинэ зургууд дээр төвлөрч байна.
1 comment
Охин нь ямар хөөрхөн юм бэ, ээжийгээ яг дуурайчихсан байна