“Pro” театрын уран бүтээлчид дэлхийн сонгодог уран зохиолын төлөөлөгч, Германы нэрт зохиолч Э.Т.А.Гофманы ижил нэрт зохиол болон хөгжмийн суут бүтээлч П.И.Чайковскийн ая, хөгжимд тулгуурлан найруулсан “Щелкунчик – Цөмөөхэй хулганы хаан” хүүхдийн жүжгийг дахин үзэгчдийн хүртээл болгохоор болжээ.
Олон улсын шагналтай уран бүтээл
Уг жүжиг нь театрын урлагийн шилдгүүдийг тодруулдаг “Гэгээн муза” олон улсын наадмаас хэд хэдэн төрөлд тэргүүн байранд шалгарсан амжилттай бүтээл юм. Тодруулбал, шилдэг зураач, шилдэг эрэгтэй гол дүр, шилдэг найруулагчийн номинацид түрүүлж, үүн дээрээ нэмээд наадмын шилдгийн шилдэгт олгодог гран при шагналын эзэн болж байжээ.
Ийнхүү олон улсын хэмжээний өндөр үнэлгээ авсан тус жүжиг хүүхэд багачуудаас гадна томчуудыг ч театрын уур амьсгал руу дахин урин дуудах төлөвтэй байна.
Хугацаа, тоглолтын тов
“Щелкунчик – Цөмөөхэй ба хулганы хаан” хүүхдийн жүжгийг өвлийн баяр, шинэ жилийн уур амьсгалтай зэрэгцүүлэн ердөө дөрвөн удаа тоглохоор төлөвлөсөн байна. Тоглолтууд нь:
- Арванхоёрдугаар сарын 4, 5-нд 17:00 цагаас
- Арванхоёрдугаар сарын 6, 7-нд 12:00 цагаас
РЦНК буюу Оросын шинжлэх ухаан, соёлын төвийн тайзнаа тоглогдох бөгөөд тоглолтын тоо цөөн байгаа нь жүжгийг үзэх боломжийг илүү ховор, үнэ цэнтэй болгож байна.
Тасалбар, мэдээлэл авах боломж
“Щелкунчик – Цөмөөхэй ба хулганы хаан” хүүхдийн жүжгийн тасалбарыг Ticket.mn цахим системээр худалдаалж байна. Мөн жүжиг, суудлын захиалга, бусад дэлгэрэнгүй мэдээллийг 99648092, 99999072 дугаараас лавлах боломжтой.
Өвлийн улиралд хүүхдүүддээ сонгодог зохиол, гайхамшигт хөгжим, театрын урлагийн уран сэтгэмжийг хослуулсан үзвэр үзүүлэхийг хүсэж буй эцэг эхчүүдэд алдаж боломгүй сонголт байх нь гарцаагүй.
