Гадаад харилцааны сайд гэрчилгээг гардуулан уулзав
Гадаад харилцааны сайд Б.Батцэцэг 2025 оны 12 дугаар сарын 19-ний өдөр Монгол Улсын Соёлын элчээр томилогдсон “The MongolZ” багийг хүлээн авч уулзан, Соёлын элчийн гэрчилгээг гардуулж, баяр хүргэлээ.
Цахим спортын баг анх удаа Соёлын элч болов
Олон улсын тэмцээнүүдэд өндөр амжилтаар Монголын нэрийг гаргаж, дотоодын цахим спортын салбарт тэргүүлэх байр сууриа хадгалсаар ирсэн “The MongolZ” баг ийнхүү Соёлын элчээр томилогдсон анхны спортын баг боллоо. Тэд тэмцээний үр дүнгээрээ төдийгүй дижитал орчны боломж, шинэ технологийг ашиглан Монгол Улсыг бүтээлч хэлбэрээр таниулж, олон улсын залуу үеийн соёл, спортын орон зайд Монголын шинэлэг дүр төрхийг төлөвшүүлж буйгаар онцлог гэж тэмдэглэв.
Өв соёл, түүхийг контент хэлбэрээр дэлхийд хүргэнэ
“The MongolZ” баг Соёлын элчийн хугацаанд Монголын уламжлалт өв соёл, түүх, хэл, ахуйг цахим спорт, дижитал контент, технологийн чиг хандлагатай уялдуулан гадаад улсад сурталчлан таниулах, мөн Монгол Улс болон бусад улсын соёл, спортын хамтын ажиллагааг өргөжүүлэн хөгжүүлэхэд идэвхтэй оролцохоо илэрхийлэв.
Түншлэл, дэмжлэгтэйгээр олон улсын оролцоогоо тэлж байна
Олон улсын тавцанд тогтмол өрсөлдөх, контентын ажлуудаа тасралтгүй хийхэд байгууллагын дэмжлэг чухал байдаг. Энэ хүрээнд “The MongolZ” баг 1xBet-тэй хамтран ажилладаг бөгөөд түншлэл нь багийн үйл ажиллагааны тогтвортой байдлыг хангахад тодорхой үүрэг гүйцэтгэж байна.
2 сэтгэгдэлүүд
Залуусын хүч, хөдөлмөрийг ингэж үнэлж байгаа нь маш сайхан санагдлаа
The MongolZ баг үнэхээр Монголын нэрийг дэлхийд гаргаж байна, бахархмаар байна