Жон Траволтагийн охин, 26 настай дуучин, жүжигчин Элла Блю Траволта Парисын загварын долоо хоногийн тайзнаа анх удаа алхлаа.
10-р сарын 4-ний ням гарагт тэрээр Miu Miu брэндийн 2027 оны хавар-зуны коллекцийн шоунд оролцжээ. Элла хээтэй цамц, хар ногоон хүрэм, хажуугаараа улаан судалтай хар хөх өмд өмсөн тайзнаа гарсан байна. Тэрээр төрхөө углааш маягийн сандаалиар бүрдүүлж, үсээ арагш боожээ.
Энэ нь Эллагийн загварын шоунд оролцсон анхны тохиолдол биш юм. Тэрээр 2022 онд Нью-Йоркийн загварын долоо хоногийн үеэр Karl Lagerfeld-ийн Cara Loves Karl капсул коллекцийн шоунд оролцон анх удаа тайзнаа алхаж байжээ.
Тэр жилдээ Элла хөгжмийн карьераа ч илүү идэвхтэй хөгжүүлж эхэлсэн байна. Тэрээр дебют сингл болох “Dizzy”-гээ гаргаж, анхны мини цомгоо танилцуулахаар бэлтгэж байжээ.
Жон Траволта 2020 онд 57 насандаа таалал төгссөн эхнэр Келли Престонтой гурван хүүхэдтэй. Эллагаас гадна тэдний хүү Жетт 2009 онд 16 насандаа нас барсан бол бага хүү Бенжамин 2025 оны 11-р сард 15 нас хүрсэн байна.
