Selena Gomez-ийн 2016 оны будалт, стильтэй холбоотой хуучны зургууд сошиалд дахин дахин тархсаар байгаа ч дуучин өнгөрсөн төрхөө эргүүлэн авчрах сонирхолгүй байгаагаа хэлжээ.
34 настай Rare Beauty-ийн үүсгэн байгуулагч одоо арван жилийн өмнөх өөрийгөө дахин бүтээхээс илүү нас ахих, өөрчлөгдөх үйл явцыг тайван хүлээн авч байгаагаа ярьсан байна.
“Нас ахих надад үнэхээр таалагддаг”
Selena Gomez гоо сайхан, насжилтын талаар ярихдаа:
“Нас ахих үнэхээр хөгжилтэй байна. Би огт айдаггүй. Надад нас ахих таалагддаг” гэжээ.
Тэр мөн:
“Тийм ээ, бүх зүйл өөрчлөгдөнө, зарим зүйл унжина. Гэхдээ чи амьд байна шүү дээ… Олон талаараа нас гэдэг зүгээр л тоо” хэмээн хэлсэн байна.
Selena энэ жил сэтгэцийн эрүүл мэндийн талаар олон нийтэд дуугарч ирсэн ажлынхаа төлөө анхны Beauty Impact Award шагналыг хүртэхээр болжээ.
2016 оны зургууд одоо ч байнга тардаг
Түүний 2016 онд хийдэг байсан тод smoky eye будалт өнөөдөр ч сошиалд байнга дахин гарч ирдэг. Selena энэ дурсамжийг хөгжилтэй гэж үздэг ч зарим фэн үүнд хэт автдаг гэжээ.
Тэр:
“Үнэнийг хэлэхэд 2016 оны хуучны зургууд, тэр үеийн бүх зүйл үнэхээр хөгжилтэй. Гэхдээ хүмүүс хэтэрхий их ач холбогдол өгдөг. Би байнга тоглоомоор хүмүүс намайг амьдралынхаа тэр үед нь хөлдөөчихмөөр байдаг юм шиг санагддаг гэж хэлдэг” хэмээн ярьсан байна.
Selena тухайн үеийг амьдралынх нь нэлээд завгүй, эмх замбараагүй үе байсан гэж дурсжээ.
“Мэдэхгүй юм… магадгүй тэр үе илүү сонирхолтой байсан байх. Одоо би харьцангуй тайван байгаа нь сайхан. Харин тэр үед амьдрал үнэхээр завгүй байсан… мэдээж би smoky eye хийхээс өөр аргагүй. Би гоё харагдах гэж хичээж байсан юм” гэжээ.
Одоо илүү зөөлөн будалтыг сонгодог
Сүүлийн жилүүдэд Selena нүүр будалтдаа өмнөхөөсөө илүү зөөлөн, тайван төрх сонгох болсон байна.
Тэр:
“Одоо ч smoky eye хийдэг, зүгээр л арай өөр харагддаг. Хүмүүс намайг өмнөх шигээ харагдаасай гэж үргэлж хүсдэг юм шиг санагддаг. Гэхдээ тийм зүйл болохгүй” гэж хэлжээ.
Selena Gomez-ийн хувьд хуучны төрхөө дахин давтах бус, нас ахих тусам өөрчлөгдөж буй өөрийн дүр төрхөө хүлээн зөвшөөрөх нь илүү чухал болжээ.
