Өмнөд Солонгосын алдарт найруулагч На Хон Жин шинэ бүрэн хэмжээний уран сайхны кино болох “Hope”-оороо 2026 оны зун дэлхийн кино урлагт дахин хүчтэй эргэн ирэх гэж байна. “The Wailing”, “The Chaser”, “The Yellow Sea” зэрэг нийгмийн сэтгэл зүйг хөндсөн, гүн утгатай бүтээлүүдээрээ алдаршсан тэрбээр энэ удаа Америк болон Өмнөд Солонгосын жүжигчдийг нэгэн тайзнаа чуулуулсан олон улсын хамтарсан киногоороо кино сонирхогчдын анхаарлыг татаж байна.
Кинонд тоглож буй Hollywood-ийн одод:
- Майкл Фассбендер (“X-Men”, “Shame”, “Steve Jobs”)
- Алисиа Викандер (“The Danish Girl”, “Tomb Raider”)
- Тэйлор Рассел
- Камерон Бриттон
Харин Солонгосын нэрт жүжигчид:
- Жун Хуён
- Хван Жон Мин
- Жо Ин Сун
Киноны зураг авалтыг Тайланд улсад хийсэн бөгөөд гурван ангитай кино болох талаар цуурхал олон нийтийн дунд тархаад байгаа ч энэ талаар албан ёсны мэдээлэл хараахан гараагүй байна.
На Хон Жин-ий энэхүү шинэ бүтээл нь Америк-Солонгосын хамтын ажиллагааг кино урлагийн түвшинд шинэ шатанд гаргах өндөр боломжтой хэмээн кино шүүмжлэгчид дүгнэж буй. “Hope” киноны нээлттэй зэрэгцэн түүний нэр хүнд, уран бүтээлийн цар хүрээ улам тэлнэ гэж үзэж байна.
