Жэймс Камерон Билли Айлишийн тоглолтыг 3D кино болгон дэлгэцнээ гаргана

Поп одын аялан тоглолт өргөн дэлгэцэд шилжинэ

Есөн удаагийн “Грэмми”-гийн шагналт дуучин Билли Айлишийн “Hit Me Hard and Soft: The Tour” аялан тоглолтыг нэрт найруулагч Жэймс Камерон бүрэн хэмжээний 3D өргөн дэлгэцийн уран сайхны кино хэлбэрээр үзэгчдэд хүргэхээр болсон байна. Тус бүтээлийг ирэх оны гуравдугаар сарын 20-нд кино театруудад зэрэг нээхээр товложээ.

Айлишийн хувийн сэтгэгдэл

Энэ тухайгаа Билли Айлиш өнгөрсөн амралтын өдрүүдэд өөрийн инстаграм хуудсаар дамжуулан олон нийтэд дуулгасан бөгөөд тэр “Энэ бол миний хамгийн гоё аялан тоглолт байсан. Энэ мөчийг их хүлээлээ” гэжээ.