Дуучин Lyn хайр дурлалын талаар эргэлзсэн бодлоо олон нийттэй хуваалцжээ. Lee Soo-оос салснаас хойш нэг жил өнгөрсөн ч тэр сэтгэлзүйн хувьд бүрэн тайвширч чадаагүй хэвээр байгаа бололтой.
Есдүгээр сарын 2-нд Lyn өөрийн цахим хуудсандаа “Тэгэхээр хайрла, аял, ямар нэг зүйл хий” гэсэн үгтэй сэтгэл хөдөлгөм зураг нийтэлсэн байна.
Гэвч тэр уг үгийг хараад:
“Надад сэтгэл ч алга, цаг ч алга. Хайр дурлал, аялал гэх мэт зүйл үнэхээр боломжтой гэж үү?” хэмээн бичжээ.
Lee Soo-оос 11 жилийн дараа салсан
Lyn 2014 онд MC the Max хамтлагийн дуучин Lee Soo-той гэрлэсэн юм.
Харин 11 жилийн дараа буюу өнгөрсөн оны наймдугаар сард тэд харилцан тохиролцож гэрлэлтээ цуцлуулжээ.
Салсныхаа дараа Lyn хэд хэдэн нэвтрүүлэгт оролцохдоо амьдралд нь үүссэн хоосрол, сэтгэлзүйн хүнд мэдрэмжийн талаар нээлттэй ярьсан байна.
“Нөхрөө биш, дотны найзаа алдсан мэт санагдсан”
Салалтаас нь нэг жил өнгөрсөн хэдий ч Lyn өнгөрсөн долдугаар сард SBS-ийн “My Little Old Boy” нэвтрүүлэгт оролцохдоо сэтгэл хөдөлж:
“Нөхөр маань алга болсон мэт биш. Харин дотны найзаа алдсан юм шиг санагддаг. Энэ нь харамсал уу, эсвэл гуниг уу гэдгийг ч сайн мэдэхгүй байна” гэж ярьжээ.
Түүний энэ үг салалтын дараах сэтгэлзүйн шарх одоо ч бүрэн арилаагүйг харуулсан байна.
“Би гунигтай ч биш, аз жаргалтай ч биш”
Өнгөрсөн сарын 25-нд Lyn мөн өөрийн сэтгэлзүйн байдлын талаар илэн далангүй бичсэн байна.
Тэрээр:
“Нэг л мэдэхэд би гунигтай ч биш, аз жаргалтай ч биш, хэн нэгнээс эсвэл ямар нэг зүйлээс юу ч хүлээхгүй, бас урам хугарахгүйгээр бүдэгхэн амьдарч байгаа юм шиг санагддаг” гэжээ.
Мөн:
“Үнэнийг хэлэхэд миний сэтгэлзүйн эрч хүч одоо ч буурсан хэвээр. Гэхдээ сайн тал нь би ухарч биш, урагш чиглэсэн зам дээр зогсож байна. Хэн ч үүнийг анзаарахгүй байсан ч би өөрөө тэгж мэдэрч байгаа бол тэр л хангалттай” хэмээн бичсэн байна.
Шинэ хайр болон аялалд ч бэлэн биш байгаа бололтой
Lyn-ийн сүүлийн нийтлэлээс харахад тэр шинэ хайр дурлал эхлүүлэх, эсвэл аялал зэрэг чөлөөт цагийн зүйлсээс аз жаргал мэдрэхэд одоогоор бэлэн биш байгаа бололтой.
Салалтын дараах хоосрол, удаан үргэлжилсэн сэтгэлзүйн шархтайгаа тэмцсээр байгаа түүний үгс олон хүний өрөвдөх сэтгэлийг төрүүлжээ.
Гэсэн ч Lyn өөрийгөө аажмаар урагшилж байгаа гэж тодорхойлсон нь түүний амьдралын шинэ үе рүү алхаж эхэлснийг илтгэж байна.
