Олон сая хүүхдийн дуртай болсон “Пингу” хүүхэлдэйн цуврал 18 жилийн дараа шинэчлэгдсэн хувилбараараа телевизийн дэлгэцнээ эргэн ирэх гэж байна.
Шинэ хувилбарыг алдарт “Wallace and Gromit”, “Chicken Run” бүтээлүүдээрээ танигдсан Их Британийн хүүхэлдэйн киноны студи “Aardman” болон “Mattel” тоглоомын компани хамтран бүтээж байгаа бөгөөд stop-motion техник ашиглан зурна. Одоогийн байдлаар бүтээлийн бэлтгэл ажил үргэлжилж байгаа бөгөөд 2025 оны сүүлчээр албан ёсны нээлтээ хийхээр төлөвлөжээ.
Энэхүү цувралын анхны хувилбарыг 1980-аад оны үед швейцар найруулагч Отмар Гутманн бүтээж, анх Швейцарийн телевизээр гаргаж байв. Харин 1990 оноос Их Британид цацагдаж, дэлхий даяар хүүхдүүдийн хайртай дүр болон танигдсан юм.
“Пингу” нь арьс өнгө, хэл, соёлын ялгааг үл харгалзан бүх насныханд хүртээлтэй байж чаддаг бөгөөд ойлгомжгүй ч инээдтэй “Пингүү хэлээрээ” ярих, авиртай гол дүрийн бүжиглэмтгий оцон шувуугаар дамжуулан энгийн амьдралын хөгжилтэй, сургамжтай үйл явдлуудыг өгүүлдэг.
Шинэ цуврал хуучны үнэт чанаруудыг хадгалсан хэвээр байх боловч техник, дүрийн хөгжил, орчин үеийн хандлагад нийцүүлсэн уран бүтээл байх төлөвтэй байна.
