57
Өнгөрсөн 2024 онд нээлтээ хийж, үзэгчдийн анхаарлыг татсан “Гарц” олон ангит киноны хоёрдугаар бүлэг ирэх наймдугаар сарын 8-наас албан ёсоор үзэгчдэд хүрэхээр боллоо.
Тус кино нь газрын маргааны улмаас дүүгээ алдсан ах дүүсийн DH группээс өшөө авах шийдвэр, мөрдөгчдийн хэрэг илрүүлэх оролдлого, хууль бус хүчний эсрэг тэмцлийг өрнүүн үйл явдлаар харуулдаг.
Киноны эхний бүлгийг найруулагч Б.Саруулбуян найруулсан бөгөөд гол дүрүүдэд Б.Баатархүү, Б.Гарамханд, Б.Одончимэг, Э.Тодгэрэл, Ц.Давааням, Т.Оюунболд, О.Анхсүх нар тоглосон юм.
Харин хоёрдугаар бүлгийг “Номадиа пикчерс” болон “Фалко энтертайнмент” хамтран бүтээж, бүрэлдэхүүнд “Аримун” продакшны жүжигчин А.Ганчимэг нэмэгдэж, гол дүрд тоглож байна.
