Netflix-ийн “Wednesday” цувралын 3-р улиралд жүжигчин Вайнона Райдер тоглохоор болжээ. Энэ нь “Beetlejuice”, “Edward Scissorhands” кинонуудаар танигдсан Райдерт тус цувралын найруулагч, гүйцэтгэх продюсер Тим Бёртонтой дахин хамтран ажиллах боломжийг бүрдүүлж байна. Мөн тэрээр “Beetlejuice” кинонд хамт дүр бүтээж байсан Жэнна Ортегатай дахин нэг төсөл дээр уулзах нь анхаарал татаж байна.
Нийтлэгдсэн тизерийн мэдээллээр Вайнона Райдер Tabitha нэртэй зочин дүрийг бүтээхээр болжээ. Тизерт мөн дараах шинэ жүжигчид нэмэгдэж байгааг танилцуулсан байна.
- Крис Сарандон (“Dog Day Afternoon”, “The Princess Bride”)
- Ноа Тэйлор (“Peaky Blinders”, “Game of Thrones”)
- Оскар Морган (“A Knight of the Seven Kingdoms”, “Gotham Knight”)
- Кеннеди Мойер (“Task”, “Roofman”)
“Wednesday” цувралын 2-р улирал өнгөрсөн жил нээлтээ хийж, Netflix дээрх англи хэл дээрх цувралуудын үзэлтээр тавдугаар байранд орсон гэж мэдээлэв. Харин 1-р улирал нь одоог хүртэл Netflix-ийн англи хэл дээрх хамгийн их үзэлттэй цуврал хэвээр байгаа гэжээ.
3-р улирлын бүтээл дээр Альфред Гоф, Майлз Миллар нар бүтээгч, зохиолч, шоуны удирдагч болон гүйцэтгэх продюсерын үүргийг үргэлжлүүлэн гүйцэтгэж, Тим Бёртон найруулга болон гүйцэтгэх продюсероор ажиллаж байна.
