TEMPEST хамтлагийн үйл ажиллагаа албан ёсоор өндөрлөж байна. YH Entertainment аравдугаар сарын 20-нд мэдэгдэл гаргаж, хамтлаг цаашид бүтэн бүрэлдэхүүнээрээ үйл ажиллагаа явуулахгүй болохыг зарлажээ.
Агентлагийн мэдээлснээр Hyuk аравдугаар сарын 26-нд цэргийн албанд мордох бол Lew-ийн агентлагтай байгуулсан онцгой гэрээ арваннэгдүгээр сарын 1-нээр дуусгавар болох аж.
Харин Hanbin, Hyeongseop, Eunchan, Taerae нар YH Entertainment-тай үргэлжлүүлэн хамтран ажиллах боловч хамтлагийн бус, тус тусын бие даасан үйл ажиллагаанд төвлөрөхөөр болжээ.
YH Entertainment мэдэгдэлдээ:
“Сайн байна уу. YH Entertainment байна.
Юуны өмнө TEMPEST-ийг хайрлаж, үргэлж тогтвортой дэмжиж ирсэн бүх фэнүүддээ чин сэтгэлийн талархал илэрхийлье.
Бид гишүүдтэй удаан хугацааны турш нухацтай, олон талаас нь ярилцсаны эцэст хамтлагийн үйл ажиллагааг дуусгаж, цаашид гишүүн бүрийн бие даасан үйл ажиллагаанд төвлөрөх шийдвэр гаргалаа.
Мөн Hyuk аравдугаар сарын 26-нд цэргийн үүргээ биелүүлэхээр алба хаахаар мордох гэж байна.
Түүнийг цэрэгт явах өдөр тусгайлан албан ёсны арга хэмжээ зохион байгуулахгүй. Тухайн газар бусад цэрэгт татагдаж буй хүмүүс болон тэдний гэр бүлийнхэнтэй хамт ашиглагдах тул фэнүүдийг очихгүй байхыг хүндэтгэлтэйгээр хүсэж байна. Hyuk цэргийн албаа эрүүл, аюулгүй хаагаад эргэн ирэхэд нь халуун дэмжлэг үзүүлнэ гэдэгт найдаж байна.
Мөн Lew-тэй байгуулсан манай онцгой гэрээ 2026 оны арваннэгдүгээр сарын 1-нд дуусгавар болохыг мэдэгдэж байна.
Бидэнтэй хамт байсан хугацаанд нь Lew-д чин сэтгэлээсээ талархаж, цаашдын замналд нь хайр, халуун дэмжлэг үзүүлэхийг хүсэж байна.
Манай компани Hanbin, Hyeongseop, Eunchan, Taerae нарыг бие даасан үйл ажиллагаагаараа өөрсдийн шинэ төрхийг харуулахад нь бүх талаар дэмжих болно. Гишүүд өөр өөрийн шинэ замналаа эхлүүлж буй энэ үед үргэлжлүүлэн анхаарал, дэмжлэг үзүүлнэ үү.
TEMPEST нэрийн дор хамтдаа өнгөрүүлсэн мөч бүр, фэнүүдийн бидэнд өгсөн нандин хайр бүхнийг бид үүрд хадгалж явах болно.
Энэхүү гэнэтийн мэдээгээр санаа зовниулсандаа чин сэтгэлээсээ уучлалт хүсье. Та бүхний харамгүй хайр, дэмжлэгт талархлаа илэрхийлэхийн тулд бид чадах бүхнээ хийх болно.
Баярлалаа.”
Ингэснээр TEMPEST-ийн хамтлагийн нэрийн дорх үйл ажиллагаа дуусч, гишүүд тус тусын шинэ замнал руу шилжихээр болж байна.
Hyuk цэргийн албанд мордох бол Lew агентлагаасаа явж, Hanbin, Hyeongseop, Eunchan, Taerae нар YH Entertainment-ийн дор бие даасан уран бүтээл, үйл ажиллагаагаа үргэлжлүүлэх аж.
