aespa хамтлагийн Giselle-ийн нүүрээ будаагүй үеийн бичлэг цахим орчинд түгж, түүнийг гоо сайхны мэс засал хийлгэсэн гэх яриаг тойрсон маргааныг дахин өрнүүлжээ. Харин шүтэн бишрэгчид нь уг бичлэгийг түүний төрх төдийлөн өөрчлөгдөөгүйг харуулж байна хэмээн үзсэн байна.
Бэлтгэлийн үеийн энгийн төрх олны анхааралд өртөв
Giselle өмнө нь ч гадаад төрхөө мэс заслын аргаар өөрчилсөн гэх таамагт өртөж байсан. Харин саяхан үсний залгаасгүй, нүүрээ будаагүй бэлтгэл хийж буй бичлэг нь олон нийтийн анхаарлыг татжээ.
Арваннэгдүгээр сарын 4-нд X платформд нийтэлсэн бичлэгийн тайлбарт «Giselle-ийн жинхэнэ үсний урт, будаггүй царай» хэмээн бичсэн байна.
Сэтгэгдэл үлдээсэн хэрэглэгчид түүний төрхийг урлагийн гараагаа эхлэхээс өмнөх зургуудтай нь харьцуулж, ялгаа бага байгааг онцолжээ. Зарим нь түүний харагдах байдалд нүүр будалт голлон нөлөөлдөг гэсэн байр суурь илэрхийлсэн байна.
«Ийм хуваарьтай хүн долоо хоног бүр мэс засал хийлгэх боломжгүй»
Нэгэн шүтэн бишрэгч aespa-ийн фэнүүдийг нэрлэдэг MY гэх нэршлийг ашиглан, энэ талаар олон жилийн турш тайлбарлаж ирснээ бичжээ.
«Сэтгэгдэл дээр хүмүүс “Өө, будаггүй үедээ дебют хийж байсан үеийнхтэйгээ адилхан харагдаж байна” гээд байх юм. Бид MY нар хамгийн том өөрчлөлт нь ердөө жин хассан явдал гэдгийг олон жил хэлээгүй юм шиг. Түүн шиг ажлын хуваарьтай хүн долоо хоног бүр гоо сайхны мэс засал хийлгэх боломжгүй» хэмээн тэр нийтэлсэн байна.
Өөр нэг хэрэглэгч «Яагаад хүмүүс түүнийг нүүрээ сая дахь удаагаа өөрчилсөн мэтээр буруутгаад байдгийг хэзээ ч ойлгохгүй. Тэр урьдынх шигээ л харагдаж байна» гэжээ.
Фэнүүд нь нүүр будалт, жингийн өөрчлөлтийг онцолжээ
Бусад шүтэн бишрэгч ч Giselle-ийн будаггүй төрхийг өмнөх үеийнхтэй нь адилхан хэмээн дүгнэсэн байна.
«Будаггүй үедээ дебютээсээ өмнөх Giselle-тэй үнэхээр адилхан харагдаж байна. Тийм байхад яагаад түүнийг үзэн ядагчид утгагүй мэс заслын яриагаа үргэлжлүүлээд байдгийг мэдэхгүй юм» хэмээн нэгэн хэрэглэгч бичжээ.
Мөн өөр нэг нь «“Өө, дебют хийж байсан үеийнхтэйгээ адилхан харагдаж байна” гэнэ ээ. Мэдээж шүү дээ! Интернэтэд өчнөөн бичлэг байхад хүмүүс яагаад нүүр будалт, жин хасалтын нөлөөнд итгэдэггүй юм бол?» гэсэн байна.
