BLACKPINK-ийн Lisa өнгөрсөн нэгэн болзооны тухай хөгжилтэй түүхээ хуваалцсаны дараа фэнүүдийн дунд “red flag” байсан эсэх талаар маргаан өрнөжээ.
Press Play соло EP-гээ сурталчилж байх үеэр Lisa болзож байсан залуугаа өөрийн дуртай суши ресторанд авч очсон тухай ярьсан байна. Тэр орой Lisa-гийн ээж болон хамгийн сайн найз нь ч хамт байжээ.
Хооллож дууссаны дараа тооцоо ирэхэд Lisa тухайн залуугаас гурвуулаа идсэн хоолны төлбөрийг даах эсэхийг хошигнон асуусан аж. Харин хариуд нь:
“Ha, no.”
гэж шууд хэлсэн талаар Lisa инээн дурсжээ.
“Ядаж санал болгох ёстой байсан”
Уг түүх олон нийтэд тарсны дараа зарим фэн тухайн залуугийн хариултыг таатай хүлээж аваагүй байна. Тэд Lisa өөрөө төлбөрөө төлөх боломжтой эсэх нь гол асуудал биш, харин болзож буй хүний хувьд санаачилга гаргаж, ядаж төлөх санал тавих нь илүү чухал гэж үзжээ.
Ялангуяа Lisa-гийн ээж хамт байсан нь зарим фэний хувьд энэ үйлдлийг бүр ч анхаарал татахуйц болгосон байна.
Нэгэн хэрэглэгч X платформд нийтэлсэн сэтгэгдэлдээ тухайн залууг шүүмжилж, Lisa-гийн хүсэлтийг хүлээж авах ёстой байсан гэх санааг хошигнон бичжээ.
Бусад хэрэглэгчид ч мөн төлбөрийг бүхэлд нь даахгүй байсан ч ядаж хувааж төлөх санал гаргаж болох байсан гэж үзсэн байна.
Нөгөө тал нь үүнийг хэт дэвэргэж байна гэжээ
Гэхдээ бүх хүн Lisa-гийн болзоог “red flag” гэж үзсэнгүй.
Зарим фэн ийм нөхцөл байдалд төлбөрийн асуудал өөрөө эвгүй байж болох бөгөөд тухайн залуугийн богино хариултыг хэт том асуудал болгох шаардлагагүй гэж тайлбарлажээ.
Мөн Lisa өөрөө энэ дурсамжийг уурлаж бухимдсан байдлаар бус, харин инээдтэй явдал болгон ярьсан нь тухайн мөчийг хэт ноцтойгоор хүлээж авах хэрэггүйг харуулж байна гэж үзсэн хүмүүс ч байв.
Ингэснээр энгийн нэг оройн хоолны тооцоо BLACKPINK-ийн фэнүүдийн дунд болзооны үеийн төлбөр, халамж, хүндлэлийн талаар өргөн хэлэлцүүлэг үүсгэсэн байна.
