“Musinsa” брэндийн зураг авалтын мэдээлэл нетизенүүдийн анхаарлыг татжээ.
Жүжигчин Han So Hee өөрийн биеийн галбирын хэмжээнээсээ болж цахим орчинд гэнэтийн хэлэлцүүлгийн бай болоод байна.
Өдгөө Солонгосын хамгийн алдартай жүжигчдийн нэгт тооцогддог Han So Hee гоо үзэсгэлэн, нүүрний төрх, биеийн галбираараа олон нийтийн анхаарлыг байнга татсаар ирсэн. Түүний гадаад төрхтэй холбоотой сэдэв өмнө нь ч фенүүд болон нетизенүүдийн дунд өргөн яригддаг байсан юм.
Саяхан Han So Hee-ийн Musinsa брэндэд зориулан модель хийсэн хэд хэдэн зураг цахим орчинд тархжээ. Учир нь уг зураг дээр түүний биеийн тодорхой хэмжээсийг дурдсан байсан аж. Мэдээлэлд дурдсанаар, Han So Hee 166 см өндөртэй бөгөөд 27 размер өмсдөг гэжээ.
Эдгээр тоо нь нетизенүүдийн дунд ширүүн хэлэлцүүлэг үүсгэсэн байна. Зарим хүн түүнийг 27 размераас ч нарийхан байх ёстой гэж эргэлзсэн бол өөр хэсэг нь Han So Hee бодит амьдрал дээр зурагт дурдсанаас намхан харагддаг гэж маргажээ.
Нетизенүүд түүний өндөр, размерт эргэлзэв
Цахим орчинд хэрэглэгчид өөр өөр байр суурь илэрхийлсэн байна. Зарим нь “166 биш байх гэж бодож байна, 27 размер гэдэгт ч эргэлзэж байна. Миний бодлоор хоёулаа үүнээс бага байх магадлалтай” гэж бичжээ.
Өөр нэгэн хэрэглэгч “Тэр 166 см байх ямар ч боломжгүй” хэмээн хошигносон өнгө аястай сэтгэгдэл үлдээсэн байна.
Мөн “Их сургуульд тэнцсэн бичиг болон жинхэнэ насаа ч бас ил болгож болох уу? Han So Hee, fighting!” гэх мэт сэтгэгдэл гарчээ. Зарим нь “Өндөртэй нь харьцуулахад түүний бэлхүүс тийм ч нарийхан биш” гэж бичсэн бол өөр нэг хэсэг “Түүнийг бодитоор харсан хүмүүс намхан талдаа гэж хэлдэг” хэмээн маргасан байна.
Гэсэн хэдий ч олон нийт түүний гадаад төрх, биеийн хэмжээнд хэт их анхаарал хандуулж байгаа энэ үед Han So Hee өөрөө гоо сайхны ийм хатуу стандартын эсрэг байр суурь илэрхийлж ирсэн нэгэн юм.
