Жүжигчин Lee Sun Bin NCT-ийн Doyoung-ийн хөгжмийг маш их сонсдог бөгөөд бүр тоглолтыг нь биечлэн үзэж байсан тухайгаа ярьжээ.
Тэр аравдугаар сарын 21-нд Red Velvet-ийн Wendy-гийн хөтөлдөг радио нэвтрүүлэгт оролцох үеэрээ дуртай хөгжмийнхөө талаар ярьж, Doyoung-ийн “Beginning” дууг онцлон санал болгосон байна.
Lee Sun Bin энэ дууг маш их хайрладаг тул Instagram профайлынхаа арын хөгжим болгон хүртэл ашигладаг гэжээ.
Түүний хэлснээр “Beginning”-ийг сонсох үед яг л өсвөр насны романтик драмын гол дүр болсон мэт мэдрэмж төрдөг аж.
Мөн жүжгийн зохиол, сценари давтаж байхдаа, ялангуяа зөөлөн, хайр дурлалын өнгө аястай хэсгүүд дээр энэ дууг сонсдог гэж ярьсан байна.
Doyoung-ийн клипэнд тоглох санал ирвэл шууд зөвшөөрөхөө хэлжээ
Нэвтрүүлгийн үеэр Wendy түүнээс хэрэв Doyoung-ийн зүгээс клипэндээ тоглох санал ирвэл яах вэ гэж асуухад Lee Sun Bin эргэлзэлгүй:
“Би хаашаа очих ёстой вэ? Яагаад надтай холбоо барихгүй байгаа юм бол? Хэзээ болохыг нь мэдэхгүй ч би хуваариа аль хэдийн суллачихсан”
хэмээн хошигнон хариулжээ.
Түүний энэ үгс нь Doyoung-д романтик сэтгэлтэй гэсэн утгаас илүүтэйгээр, уран бүтээл болон хөгжмийнх нь үнэнч сонсогч гэдгээ илэрхийлсэн яриа байв.
Lee Sun Bin нь жүжигчин Lee Kwang-soo-той олон жилийн турш үерхэж байгаа бөгөөд хоёрын харилцаа олон нийтийн анхаарлыг тогтмол татдаг.
Харин энэ удаа тэр Doyoung-ийн дуу хөгжимд ямар их дуртайгаа нээлттэй ярьж, хэрэв боломж гарвал клипэнд нь тоглоход бэлэн гэдгээ хөгжилтэй байдлаар илэрхийлжээ.
