Цэргийн алба хааж байх үеийн дурсамж нь олны сэтгэлийг хөдөлгөв
Сүүлийн үед “Perfect Crown” драмын comeback-оороо олны анхаарлын төвд ороод буй жүжигчин Byeon Woo Seok-ийн өнгөрсөн үеийн зан чанарын тухай түүхүүд нетизенүүдийн дунд халуун сэдэв болж байна.
Yoo Jae Suk-ийн YouTube нэвтрүүлэг “Pinggyego”-гийн шинэ дугаарт MBC-ийн шинэ драм “Perfect Crown”-ы гол дүрүүд болох IU болон Byeon Woo Seok оролцжээ. Нэвтрүүлэг өөрөө хөгжилтэй, сонирхолтой мөчүүдээр дүүрэн байсан ч бичлэгийн доорх сэтгэгдлүүд илүү их яриа дагуулсан байна.
Тухайлбал, өөрийгөө цэргийн албанд Byeon Woo Seok-ийн дор алба хааж байсан доод цолны цэрэг гэж танилцуулсан нэгэн хэрэглэгч “Тэр үед би нэгдүгээр зэрэглэлийн цэрэг, харин тэр сержант байсан” хэмээн бичжээ.
Тэрээр цааш нь “Түүнийг цэргээс халагдах өдөр би хоёрдугаар давхрын угаалгын өрөөнд хэцүү байдалд байсан. Бид нэг салаанд байгаагүй ч тэр надад өнөөдрийг хүртэл санаж явдаг үг хэлсэн” гэж дурссан байна.
Түүний хэлснээр, Byeon Woo Seok тухайн үед “Одоо хэт их битгий бод. Чи аль хэдийн чадах бүхнээ хийсэн гэдгийг би мэднэ, тиймээс удахгүй бүх зүйл дээрдэнэ. Хүчтэй байгаарай. Би одоо явлаа” гэж хэлжээ.
Сэтгэгдэл үлдээсэн хэрэглэгч энэ үгс нь цэргийн алба хаах үлдсэн хугацаанд өөрт нь маш их хүч өгсөн гэж онцолсон байна. Мөн тэрээр “Тэр үнэхээр гайхалтай зан чанартай хүн. Цэргээс халагдсаны дараа амжилтад хүрч байгааг нь харахад надад маш их баяртай байна. Би тэр үед үнэхээр их талархаж байсан” гэж нэмж бичжээ.
Зураг авалтын багийн ажилтан ч түүний сайхан сэтгэлийг дурсав
Byeon Woo Seok-ийн тухай эерэг түүх үүгээр дууссангүй. Өөр нэгэн хэрэглэгч өмнө нь “Live Up To Your Name” драмын зураг авалтын үеэр түүний location manager-ээр ажиллаж байснаа дурсжээ.
Тэрээр “Тэр үед Byeon Woo Seok одоогийнх шиг алдартай болоогүй байсан. Би менежерийн ажлаа орхиж, өөр ажил эхлүүлэх гэж байсан” гэж бичсэн байна.
Мөн зураг авалтын хуваарь дууссаны дараа тэд нэгэн кафед кофе ууж суух үед Byeon Woo Seok түүнд “Чамайг ч бас амжилтад хүрээсэй гэж хүсэж байна. Хоёулаа амжилтад хүрээд хэзээ нэгэн өдөр дахин уулзъя” гэж хэлсэн тухай дурсжээ.
Хуучин менежер нь “Тэр үнэхээр сайхан сэтгэлтэй жүжигчин байсан. Одоо түүнийг амжилтад хүрч байгааг хараад маш их баярлаж байна” хэмээн сэтгэгдлээ илэрхийлсэн байна.
“Pinggyego” бичлэгийн доор Byeon Woo Seok-ийн тухай ийм төрлийн дулаан дурсамжууд нэмэгдэхийн хэрээр нетизенүүд түүнд улам ихээр татагдаж эхэлжээ. Зарим хэрэглэгч “Түүний тухай сайн түүх үнэхээр олон юм. Тэр амьдралаа маш зөв авч явсан хүн бололтой” хэмээн бичиж, жүжигчний зан чанарыг магтсан байна.
Ийнхүү “Perfect Crown”-ы амжилтаар дахин олны анхааралд орсон Byeon Woo Seok зөвхөн жүжиглэлтийн чадвараараа бус, өнгөрсөнд бусдад өгсөн энгийн боловч хүчтэй үг, сайхан сэтгэлээрээ ч фенүүдийн хүндлэлийг хүлээж байна.
