Ш.Чимэдцэеэгийн нэрэмжит анхдугаар уртын дууны уралдаанд Т.Баянжаргал тэргүүллээ

Монгол Улсын Ардын жүжигчин, доктор, профессор, нэрт уртын дуучин Ш.Чимэдцэеэгийн нэрэмжит “Дарьганга уртын дууны олон улсын уралдаан” амжилттай болж өндөрлөлөө.

Наадмын хүрээнд зөвхөн уралдаан зохиогдоод зогсохгүй, Дарьганга уртын дууны үүсэл, хөгжил, өнөөгийн нөхцөл байдлын талаар ярилцлага, эрдэм шинжилгээний хурал, хэлэлцүүлгүүд өрнөсөн нь арга хэмжээний үнэ цэнийг улам нэмэгдүүлжээ. Уралдаанд урилгаар Ардын жүжигчин Ч.Шархүүхэн болон нэр хүндтэй эрдэмтэн судлаачид оролцсон байна.

Энэхүү анхдугаар уралдаанд уртын дуучин Түмэнжаргалын Баянжаргал шилдгээр шалгарч, тэргүүн байр эзэллээ.