2025 оны тавдугаар сарын 29-нд Newsen сайтаас мэдээлснээр, Өмнөд Солонгосын алдарт жүжигчин Ю Сын Хо сүүлийн хэдэн жилийн турш өвчтэй хүүхдүүдийн эмчилгээнд зориулан чимээгүйгээр хандив өгч, орон гэргүй мууранд зориулсан амьтны приютуудад менежергүйгээр ганцаараа сайн дурын ажил хийдэг нь ил болжээ.
Ойрын өдрүүдэд түүнийг театрт орж, буцах замдаа хөндлөнгийн хүмүүсийн авсан бичлэг олон нийтийн дунд түгж, түүнд хандан уян сэтгэлтэй сэтгэгдлүүд, хувь хүний түүхүүдийг хуваалцаж эхэлсэн. Сошиал хэрэглэгч нэгэн хүн: «Миний охин эмчлүүлж байгаа. Ю Сын Хо бидэнд туслах гэж хандив өгсөн. Манай эхнэр талархлын захидал бичиж байсан ч бидний жинхэнэ талархал зүрхэнд маань хадгалагдсан хэвээр. Түүний хийж буй бүх зүйл нь үр шимээ өгөөсэй гэж хүсэж байна» хэмээн бичжээ.
Newsen-ийн мэдээлснээр, түүний энэхүү хандивуудыг агентлаг нь ч мэддэггүй байсан. Тэрээр жүжигчний замналаа хүүхэд насандаа эхлүүлсэн тул хүүхдүүдэд онцгой хайр тээдэг байна.
Саяхан Ю Сын Хо McDonald’s-ийн «Сэтгэл догдлуулсан алхалт» хандивын аянд элчээр оролцон, RMHC Korea-д зориулж 10 сая вон (ойролцоогоор 7292 ам.доллар)-ны хандив өгчээ. Уг мөнгийг эмнэлгийн урт хугацааны эмчилгээ хийлгэж буй хүүхдүүд болон тэдний гэр бүлд зориулсан шинэ орон сууц барихад ашиглах бөгөөд эдгээр нь «хоёр дахь гэр» болж, хүүхдүүдэд тайван орчинд эдгэрэх боломж бүрдүүлэх юм.
Түүнчлэн тэрээр олон жилийн турш гэр оронгүй мууранд тусалж ирсэн сайн дурын ажилтан гэдгээрээ танигдсан. Ю Сын Хо амралтын өдрүүдээр амьтны приютууд руу өөрөө очиж, тусламж үзүүлдэг байна. Түүний нийгмийн сүлжээний танилцуулгад “Муур дэлхийг эзэгнэнэ” гэсэн бичвэр, түүний авран авч өсгөсөн хоёр муурын дүрс бүхий тэмдэгт оршдог.
2024 оны наймдугаар сард JTBC-ийн “Newsroom” нэвтрүүлэгт өгсөн ярилцлагадаа тэрээр: “Энэ хачин сонсогдож магадгүй, гэхдээ би кинонд аль болох их тоглож, их мөнгө олохыг хүсдэг. Нэг өдөр амьтны приют байгуулна гэж төлөвлөж байгаа” хэмээн хэлжээ.
Түүний харьяалагддаг 333 Entertainment агентлаг “Ю Сын Хо тогтмол сайн дурын ажил, хандив өргөдөг боловч үүнийг олон нийтэд ил зарладаггүй. Заримдаа бид ч өөрсдөө фэнүүдээс нь түүний хийсэн сайхан үйлсийн тухай сонсдог” гэж мэдэгдэв.
Одоогоор тэрээр Соган Их Сургуулийн Мэри Холлын Их Театрт 7-р сарын 20 хүртэл үргэлжлэх “Цезарийг хороох нь” жүжигт гол дүр бүтээж, үзэгчидтэйгээ уулзсаар байна. Шекспирийн “Юлий Цезарь”-ийг шинэлэг өнцгөөс харуулсан уг жүжиг нь ардчиллыг хамгаалах нэрийн дор үйлдэгдсэн Цезарийн аллагын цаад улс төрийн ёгт утга, дараагийн дарангуйлагчийн гарч ирэлтийг харуулдаг. Ю Сын Хо тус бүтээлд Брутусын дүрийг бүтээж, гүн гүнзгий мэдрэмжтэй, хүчирхэг тоглолтоороо шүүмжлэгчдээс өндөр үнэлгээ авч байна.
