Жүжигчин Oh Yoona хуримын ёслолдоо бэлдэж буйгаа илтгэх шинэ зургууд нийтэлж, хэд хэдэн төрлийн сүйт бүсгүйн даашинз өмсөн үзсэн төрхөө фэнүүдтэйгээ хуваалцжээ.
Тэр аравдугаар сарын 22-нд сошиал хуудсандаа хуримын даашинзтай хэд хэдэн зураг нийтэлж:
“Алийг нь сонгох вэ?”
хэмээн бичсэн байна.
Зургууд дээр Oh Yoona хуримын салонд зочилж, өөр өөр загварын даашинз өмсөн үзжээ. Биеийн хэлбэрийг тодруулсан нарийн силуэттай загвараас эхлээд өргөн хормой, цэцгэн чимэглэлтэй илүү тансаг төрлийн даашинз хүртэл туршсан байна.
Тэр урт, шулуун үс болон даруухан нүүр будалтаар төрхөө бүрдүүлж, даашинз бүрийг энгийн атлаа дэгжин байдлаар харуулжээ.
Фэнүүд нь түүний нийтлэлийн дор аль загвар илүү зохиж байгааг санал болгож, сүйт бүсгүйн төрхийг нь магтсан байна.
Oh Yoona өмнө нь 2007 онд олны танил бус эрэгтэйтэй гэрлэж, хүүтэй болсон юм. Хос 2015 онд салсан бөгөөд түүнээс хойш тэр хүүгээ өөрөө өсгөж иржээ.
Харин өнгөрсөн долдугаар сард Oh Yoona өөр нэг олны танил бус эрэгтэйтэй дахин гэрлэснээ зарласан байна. Түүний агентлагийн мэдээлснээр хос гэрлэлтээ албан ёсоор бүртгүүлж, хамтдаа амьдарч эхэлсэн байжээ.
Тухайн үед хуримын ёслолын тов тодорхой болоогүй байсан бол энэ удаагийн сүйт бүсгүйн даашинзтай зургууд нь ёслолын бэлтгэл эхэлсэн байж магадгүй гэх сонирхлыг нэмэгдүүлээд байна.
Гэсэн ч хуримын огноо болон ёслолын талаар Oh Yoona-гийн зүгээс одоогоор дэлгэрэнгүй мэдээлэл өгөөгүй байна.
