Монголын Хүннү рок урсгалыг дэлхийд танигдуулсан, үндэсний язгуур соёлыг орчин үеийн хүнд метал хөгжимтэй гайхалтай хослуулан илэрхийлдэг “The Hu” хамтлаг тун удахгүй эх орондоо бүрэн хэмжээний тоглолтоо хийхээр болжээ.
Тэд долдугаар сарын 31-нд Монголын баруун хязгаарын хамгийн үзэсгэлэнт бүс нутгуудын нэг болох Увс аймагт албан ёсны бүрэн хэмжээний тоглолтоо зохион байгуулахаар болсон байна. Энэ нь хамтлагийн хувьд зөвхөн хөгжмийн урсгалаараа төдийгүй эх орондоо хүндэтгэл үзүүлсэн чухал үйл явдал болж байгаа юм.
“The Hu” хамтлаг дэлхийг тойрсон аялан тоглолтуудаараа Монголын урлаг, өв уламжлалыг олон сая хүнд хүргэж, улс үндэстнээ сурталчлан таниулахад үнэтэй хувь нэмэр оруулж ирсэн. Тэдний хөгжмийн өнгө төрх, уран бүтээлийн агуулга нь дэлхийн тайзнаа өвөрмөц, эх хэл, үндэсний өнгө аясаар ялгардаг онцгой контент болон үнэлэгдэж байгаа билээ.
Тоглолтын талаарх нэмэлт мэдээлэл, тасалбарын дэлгэрэнгүй зааврыг удахгүй зарлах бөгөөд монголчуудын хүсэн хүлээсэн энэхүү тоглолт Увсын тэнгэр дор, байгалийн гайхамшигтай үзэмжийн дунд болно гэдгээрээ онцгой юм.
2 сэтгэгдэлүүд
Эцэст нь! Ху нар гэртээ тоглолт хийх болно – бид үүнийг удаан хүлээсэн!
Манай хөвгүүд Монголыг дэлхий дахинд алдаршуулж, эх орныхоо төлөө тоглож байгаад бид бахархаж байна!