“Superstar K3” нэвтрүүлгээр олонд танигдсан Shin Zi Su гэр бүлтэй болжээ.
Тэрээр есдүгээр сарын 19-ний өглөө Seoul National University-ийн Veritas Hall-д хуримын ёслолоо хийсэн байна.
Shin Zi Su-гийн нөхөр нь University of Hong Kong-ийн Business Administration хөтөлбөрийг төгссөн, санхүүгийн салбарт ажилладаг мэргэжилтэн аж.
Хосууд гэрлэхээсээ өмнө Seoul болон Hong Kong хотуудын хооронд холын зайн харилцаатай байсан бөгөөд ийнхүү 2.5 жилийн үерхлийнхээ дараа албан ёсоор гэр бүл болжээ.
Shin Zi Su есдүгээр сарын 20-нд өөрийн сошиал хуудсаар дамжуулан хуримынхаа талаар сэтгэгдлээ хуваалцсан байна.
Тэрээр:
“Хамт байхад надад хамгийн дулаахан, хамгийн тайван мэдрэмж төрүүлдэг хүнтэйгээ гэрлэлээ. Hong Kong, Seoul хоёрын хооронд явж, хоёр жил хагасын хугацаанд хамт байсны эцэст олон хүний ерөөл дунд эхнэр, нөхөр боллоо”
хэмээн бичжээ.
Мөн:
“Одооноос бид үргэлж бие биеэ хүндэтгэж, нэг нэгэндээ хамгийн тайван, аюулгүй орон зай болж хамт амьдрах болно”
гэж нэмж хэлсэн байна.
Shin Zi Su 2011 онд Mnet-ийн “Superstar K3” нэвтрүүлэгт оролцсоноор анх олон нийтийн анхаарлыг татжээ.
Тэрээр Adele-ийн “Rolling in the Deep” дууг дуулснаар хүчтэй хоолойгоо харуулж, тухайн улирлын хамгийн онцгой оролцогчдын нэг болсон байна. Түүний дуулалт үзэгчид болон шүүгчдийн анхаарлыг татаж, бүр түрүүлэх магадлалтай оролцогчдын нэгээр нэрлэгдэж байжээ.
Shin Zi Su эцэст нь шууд нэвтрүүлгийн шатанд Top 7-д шалгарсан юм.
Түүний хамгийн сүүлийн албан ёсны хөгжмийн ажил 2024 онд болсон бөгөөд продюсер, хөгжмийн зохиолч “14”-ийн нэгэн дуунд оролцжээ.
Харин одоогоор Shin Zi Su “babicasso” нэрээр дизайнерын чиглэлээр ажиллаж байгаа аж.
