АНУ-ын Үндэсний сансрын агентлаг (NASA) энэ зунаас эхлэн пуужин хөөргөх, сансрын алхаа хийх, дэлхийг сансрын орчноос харах зэрэг үндсэн хөтөлбөрүүдээ “Netflix” платформоор шууд дамжуулж эхлэхээ албан ёсоор мэдэгдлээ. Уг шийдвэр нь сансрын шинжлэх ухааныг олон нийтэд илүү нээлттэй, хүртээмжтэй болгох зорилготой гэж агентлаг тайлбарласан байна.
Өмнө нь эдгээр үйл явдлыг NASA-ийн албан ёсны апп болон вэбсайтаар үнэ төлбөргүй, сурталчилгаагүй хэлбэрээр олон нийтэд хүргэдэг байсан бол одоо “Netflix” платформ ч мөн энэ контентыг хүргэх шинэ сувгаар ажиллах гэж буй нь онцлог юм. Ингэснээр хэрэглэгчид шууд дамжуулалтыг илүү өргөн хүрээтэй, олон төхөөрөмжөөр дамжуулан үзэх боломжтой болж байна.
NASA нь 2023 онд “NASA+” нэртэй дижитал платформыг нээсэн бөгөөд энэ нь сансрын мэдээлэл, хөтөлбөрүүдийг олон нийтэд илүү хүртээмжтэй болгох зорилготой байв. Харин одоо “Netflix”-тэй хамтарснаар тус платформын хамрах хүрээ үлэмж тэлж, дэлхий даяар 700 сая гаруй хэрэглэгчидтэй Netflix-ийн үзэгчид сансрын хөтөлбөрүүдийг шууд үзэх боломжтой болж байна.
Энэхүү шинэ хамтын ажиллагаа нь арилжааны сансрын салбар хурдацтай тэлж буй цаг үед хэрэгжиж байгаа бөгөөд Илон Маскийн “SpaceX” компани гэхэд 2025 оны эхний хагас жилд л гэхэд 81 удаагийн хөөргөлтийг амжилттай хийсэн нь үүнийг баталж буй том жишээ юм.
2 комментария
Хөөх, одоо та буйдан дээрээ шууд орон зайг харж болно
Энэ бол мэдээ! Эцэст нь Netflix дээр үнэхээр боловсролын зүйл байна