Netflix 2025 оны эхний хагасын турш хэрэглэгчдийн хамгийн их үзсэн контентыг багтаасан хагас жилийн үзэлтийн тайлангаа танилцууллаа. Энэ тайланд Их Британийн драма “Adolescence” олон ангит кино телевизийн контентын жагсаалтыг, Жейми Фокс, Камерон Диаз нарын тоглосон адал явдалт инээдмийн “Back in Action” кино уран сайхны киноны жагсаалтыг тэргүүлжээ.
Топ 10 ТВ цуврал (2025 оны 1–6-р сар):
- Adolescence: Limited Series — 144.8 сая үзэлт
- Squid Game: Season 2 — 117.3 сая
- Squid Game: Season 3 — 71.5 сая
- Zero Day: Limited Series — 61.3 сая
- Missing You: Limited Series — 58 сая
- American Murder: Gabby Petito — 56.1 сая
- Ms. Rachel: Season 1 — 53.4 сая
- Sirens: Limited Series — 53.3 сая
- The Night Agent: Season 2 — 53.2 сая
- Ginny & Georgia: Season 3 — 48.1 сая
Топ 10 кино (2025 оны 1–6-р сар):
- Back in Action — 164.7 сая үзэлт
- Tyler Perry’s Straw — 102.9 сая
- The Life List — 95.5 сая
- Exterritorial (Герман) — 87.5 сая
- Havoc — 86.9 сая
- The Secret Life of Pets 2 — 74.5 сая
- The Electric State — 74.2 сая
- Counterattack (Мексик) — 71.3 сая
- Ad Vitam (Франц) — 69.8 сая
- Despicable Me 4 — 69.8 сая
2025 оны эхний хагаст Netflix хэрэглэгчид нийт 95 тэрбум цагийн контент үзсэн нь өмнөх оны мөн үеэс 1 тэрбум цагаар өссөн үзүүлэлт болсон. “Squid Game” гурван улирал нийлээд нийт 231 сая үзэлттэй байсан бөгөөд гуравдугаар улирал нь дөрвөн хоногийн дотор 72 сая үзэлттэй болжээ.
Контентийн гуравны нэгээс илүү хувь нь англи хэлнээс өөр хэл дээр байсан бөгөөд топ 25 цувралын 10 нь англи бус хэл дээрх бүтээл байжээ.
2025 оны эхний хагаст хамгийн их үзэлттэй байсан оригинал контентуудын бараг талыг 2023 оноос өмнө нээлтээ хийсэн бүтээлүүд эзэлсэн. Тухайлбал “Money Heist”, “Ozark”, “Orange Is the New Black” зэрэг цувралууд тус бүр 100 сая цагаас дээш үзэлттэй байжээ.
Netflix-ийн хамтран гүйцэтгэх захирал Грег Питерсийн хэлснээр, өрсөлдөөн нэмэгдэж буй энэ нөхцөлд үзэлтийн өсөлтөө хадгалсан нь сайн үзүүлэлт бөгөөд хоёрдугаар хагаст илүү хүчтэй контентууд цацагдахаар байгаа нь өсөлт үргэлжлэх хандлагатайг харуулж байна.
