2025 оны долдугаар сарын 17-ны орой цацагдсан “M! Countdown” хөгжмийн нэвтрүүлэгт “Blackpink” хамтлаг шинэ уран бүтээл “Jump” дуугаараа шилдэг тайзны үзүүлбэрийн төрөлд тэргүүлэн ялалт байгууллаа. Шууд дамжуулалтын үеэр тэд энэхүү дуугаа амьд тоглолтоор толилуулсан нь үзэгчдийн талархлыг хүлээв.
“Jump” бол “Blackpink” хамтлагийн 2025 оны шинэ бүтээл бөгөөд цацагдсан даруйдаа олон улсын хөгжмийн чартуудад дээгүүр байр эзэлж, дэлхий даяар хит болоод буй. Энэхүү амжилт нь тэдний дэлхийн хөгжмийн зах зээл дэх нөлөөг дахин бататгаж байна.
Шагнал хүртсэнийхээ дараа “Blackpink” хамтлагийн гишүүд фэнүүд рүүгээ хандан:
“Биднийг үргэлж дэмждэг та бүхэндээ баярлалаа. Цаашид ч та бүхнийхээ хайр, дэмжлэгт хариу болгож илүү чансаатай, олон гайхалтай уран бүтээлээр уулзана аа” хэмээн сэтгэгдлээ илэрхийлжээ.
